Vollständiger Band - Hansischer Geschichtsverein

Verhandlungen in Flandern. — 1447 Okt 26 — 1448 Apr. 17. 295
eoopman enich ghebreck hadde, van wat zaken dattet oeck were na den inholdene
des coopmans Privilegien, dat de coopmanne dan de 4 leden eder een ofte twee
van en anroupen mochte umme dat te doen beteren, anders“ möge gii heren van
den 4 leden wal merken, dat de eoopman hiir in dem lande nicht eu dachte [tob
blivene], wente dat nynes coopmans saken en siin vor den heren eder sinen
edelen rade langhe to vervolghene, men dat se dairumme ju heren van den 4
leden moghen anroupen und tospreken, de saken uuttorichtene und to beterne.
Und of gii hiiroff van den heren yet connen verwerven, dat wilt deme coopmanne
overgheven in ghescrifte, de sal dat wal den steden van der henzen te sinen
costen oversendene, und derghelike van den ponten ungebetert openstaende, de
den 4 leden und der stadt van Brugge anegaen, wes ju derof dergelike® gelievet
vorder to doen und to beteren eder to handelen, dat wilt doch bi deme coopmanne
[stellen]*, de hiir jeghenwordich blivet, dat sal den steden van der henzen
wal ter kennissen comen, und jo dat eer ghescheen conde wo dat beter were,
wente wii uns vermoeden, dat de steden van der henzen daert ane clevet corts
worden vergaderende umme relacie to horene van denghenen, dat wii hiir ver-
worvet hebt etc., up dat de steden so vele to bet moghen gepayt wesen. Mit
vele meer worden to den voirsegeden saken denende. Und segede vort int slot
siner saken: Erbare wiise und vorsenighe heren, alse iek dan gesecht hebbe und
gii oeck wel weten, dat wii hiir to groten swaren costen langhe tiit hebben ge*
leghen und doch zeer weynich ghescaffet und ock unsse heren und oldesten de
uns wtgesant hebben uns hebben gescreven to huus to komene, also en raoghe wii
dat bot nicht wedersitten mer wii dencken uns daerna to richtene mitten iersten,
also dancken wii juwer erbarheyt vor alle woldaet, eerweerdicheit und reverencie
de gii uns bewiist hebben und juwen wiin hebben ghescenct, und sunderlinx der
groter eeren und vruntscap de gii uns bewiseden, dat gii uns to gaste beden,
und bewysede uns vele doechden und eeren, dar wii ju hoghelick vor dancken und
willen dat oock onssen oversten inbrenghen, dat se ju des in geliken und in
anderen saken dancken daer se können und moghen, und begheren, dat gii dese
unsse antworde in dancken nemen. — Doe begheerden de 4 leden, dat de heren
radessendeboden een weynich wolden untwiken, se wolden sick besprecken, und
darnae deden se de heren weder inkomen und segeden en bii munde Jacob Riin-
geldes, dewelke de vorsegeden saken int corte verhaelde und seghede aldus: Erbare
wise und vorsenighe heren, de doghede woldaet ere und vruntschap, de ju
roiin heren de stede van Brugghe bewiset hebben, dat hebben se van gueden
herten gherne ghedaen und wolden wal dat se ju vele meer eren und vruntschap
hedden moghen doen und bewiset. Und seghede voort, alse ju heren dan geleevet
beeft to seggene van den anderen ponten, des he sick verdroghe to verhalene
wentet in ziinre macht nicht en were, men de weren ghedeelt in dreen. Erst
dattie poente angande deme heren, dewelke bet hiir to ziine ghenade nicht en
vervolgtaet en weren, de solde men nu neernstelick vervolghen, dat de mochten
tot enen gueden eynde comen, und hedden dartoe gheordineert und ghedeputiirt
certeyne personen, de uu en manendage negest komende voir de heren solden
riden to Risele und de saken und poenten voir sine gnaden voirtstellen und vervolghen
toten eynde, und hopeden bii ziinre gnaden also vele te doene, dat se
daerof een guede corte eynde sick vermoeden te hebbene, und begheerden van
den heren radessendeboden, dat se ere gedeputierden eens deels dar mede wolden
biisenden de de saken mede helpen vervolghen, und oock dat se ansaghen de
» ) Hier fällt der Schreiber in die direkte Rede. b) to bliyene fehlt JT.
c) dergelike gelike K. d) stellen fehlt K.
Digitized by Google