Vollständiger Band - Hansischer Geschichtsverein

220
Verhandlungen zu Kopenhagen. — 1447 Jun. 26 — Jul. 11.
4. Item umme dat des heren koninges recht werd neddergedrucket etc.:
dar schal de kopman by varen unde don alze in den negesten* vorscreven artikele
werd beroret.
5. Item umme mel, molt, beer unde andere wäre etc. to vorkopende: dat
schal de kopman holden na der tyd alzo, alzo hefft he guden kop so geve he
guden kop, hefft he duren kop so geven se ere wäre darna.
6. Item umme de wäre, dat de nicht so gud en zii alze se over hundert jaren
etc.: dar schald de kopman aldus mede holden, dat lennewant, meten bii baccel-
lenb, [sal men]c vorkopen to beyden enden heel, Engelssch want schalen se to
vuller lenge, alse 24 eilen, waren unde ander laken heel to beyden enden unde
vorsegelt en yewelk na sinem werde.
7. Item umme den tokamenden man, de in de henze nicht behoret etc.: dar
en schal sick de kopman nicht mede bekümmeren.
8. Item umme dat lose unnutte volk etc.: dar schal de kopman ok also
mede holden.
9. Item umme den kram etc.: is beslaten, dat des kopmans jungen unde
knechte ere spisserye up eres heren staven moghen vorkopen na older wonheyd,
men queme en ander unde bruchte enen kram unde andere nicht, de schal darin
ede uthstan by der straten.
10. Item umme de stockvissche gildinge unde entfanginge etc.: is beslaten,
dat de kopman den stockvissch van dem Normanne ut dem schepe unde anders
na beyder beheghelgeyt mach entfangen unde sick over de ghildinge gutliken na
older wanheyd vordragen, konen se sick over der ghildinge nicht vordragen, so
nemen se dar vrome lüde by, de se darover vorliken, so id wontliken is gewesen.
In dessen articulen was doch to sprekende.
11. Item in de harde, vorde unde ee to vorende etc.: is beslaten, dat de
kopman nyne kopenschop scholen bedriven, mer men dat se vitallien dar to erer
behoff kopen unde ere schulde in vruntschop vorderen unde halen, nyner pan-
dinghe myt egener walt dar to brukende, unde is weme nod, schulde myt rechte
to vorderende, de schal dem vagede toseggen, dat he eme rechtes behelpe.
12. Item umme dat holt to haiende etc.: is beslaten, dat de kopman mach
varen in den strant unde halen hold inyd willen derjennen, den he dat holt helft
affgekofft, edder derjenne den dat hold tobehoret, aver de schippere unde schepes-
kindere mögen uppe der wise holt halen ane broke.
18. Item umme dat de kopman syn gud vorborget losen luden etc.: is beslaten,
dat de kopman cnem yewelken syne gudere mach vorborgen wor em dat
gelevet
14. Item ume dat de kopman leet buwen huse unde schepe buten up der
lierde up sine egene kost: is beslaten, wert dar we mede bevunden, dat de dar
na rechte vor betere.
15. Item umme dat de Normand nicht so vry mach segelen: is beslaten, dat
en yewelk mach segelen uppe sine vryheyt sowoll de Norman in de stede alse de
kopman in Norwegen.
16. Item alse umme de winterlage: is beslaten, wat lude de kopman under
siner kosst wil beschermen unde de in de henze behoren, de mögen winterlage
to Bergen holden.
17. Item umme allerleye amtlude de brockafftich werden, welk broke dem
heren koninge unde der stad andrepet etc.: is beslaten, dat de betere.
a) ne^acten wiV der holt H'. 1») baculns? c) sulver! W.
d) Normancli W.
Digitized by ooQle