Vollständiger Band - Hansischer Geschichtsverein

264
Verhandlungen in Flandern. — 1447 Okt. 26 — 1448 Apr. 17.
dattet oock scheydenstiit was, de sake u[ut]gestelta was to des 15 daghes in
januario, und dat een itlick van siinre ziide hem solde up dat privilegium, wo
dat dat to verstaen were, bedencken. Und darmede scheeden se van danne.
24. Item upten 14 dach in januario weren de heren myt dem coopman ver-
gadert ten Carmers int reventer, dar innegebracht und verclaert was bi den
deken van Lwbeke wes ghehandelt was mit den 4 leden toten daghen toe und
wo se onderlinghe in ghescelle weren omme des coopmans Privilegien to beduden
und te verstane. Alse dat de heren unde de coopman eendrachtelic sloten, dat
se sick wolden holden vul ende al an de Privilegien so de innehedden und wt-
wiseden, und ock dar nicht of en scheyden in gheenre manieren. Und dat solden
de 10 personen also weder bii de 4 leden brenghen.
25. Item upten sulven dach weren bii de heren und deo coopmanne int
reventer dree personen, ghemechtighet und wtghesant van der stede van Leyden,
de under andere woirden begheerden, dat men wolde ordineren dree ofte vier
personen dar se ere saken und werff mede mochten overspreken, welck also toe-
gelaten was. Und dar worden to gheordineert Gosen van Unna, Godeke Wanschede,
Johan Withusen und Olrick Vulkenmeraed, de .mitten 3 personen van
Leiden vergaderden int reventer des achternoens. Und alse bii een quemen, was
höre meyninghe meer und liever to horene dan wat intobrenghene of to seggene,
doch segheden se int eynde, dat die andere stede uut Holland ock hiir weren,
de ock mit den heren und coopman wolden spreken, wanneer dat geschiet were,
wolden se weder bi den heren comen und so wes se dan guedes konden helpen
viinden, dat de coopman myt den Hollandschen lakenen nicht gheschoten of be-
drogen worden, dat wolden se gherne doen nae alle ere vermoghen. Anders en
gheven se sonderlinx nicht to kennene.
26. Item upten 15 dach in januario weren de 10 personen weder bii den
4 leden upt ghiselhuus und brachten en in, wes der heren radessendeboden und
des coopmans verstain und meninghe were van den Privilegien to bedudene, dat
en uterlick und eyntlick gesecht wert, dat de stede und coopman van der hensen
darbii wolden bliven. Waerup under vele tuschenspieken die vier leden int
leste segheden, dat se noch nicht konden noch mochten darup verantworden men
wolden sick breder spreken und des anderen dages alsse up dat point eyn [en]t-
lickb antworde gheven. Und darmede scheden se weder van ene.
27. Item upten 16 dach in januario vergaderden de 20 personen weder upt
ghiseihws, dar meister Clais Langebaert van der 4 leden wegene zeghede, dat
desulve leden gherne wolden holden des coopmans Privilegien nae alle erer macht
likerwiis de innehedden und to verstaen weren, und begheerden, dat men de ock
nicht breder noch milder en verstonde dan se begrepen hedden und wtwiseden;
seggende oeck, dat van rechte niement schuldich en were vorder warinne geholden
te sine den sine macht streckende wäre, solden dan de leden gheholden wesen
in allen saken de de[m]c coopmanne wedervoere tegen sine Privilegien und
sonderlincx van den officiirs des heren, de to erer kennissen nicht en behoirden,
dat duchte on unredelick wesen. Und brachte darenboven vele meer redene
seggende, off de coopmanne unredelike saken vorstellede und bi den heren de
coopman unrecht gewiset worde, so solde geliick wol eme de coopmanne holden
willen an tlant van Vlaenderen, und de coopman en solde dan mitten leden nicht
volghen alsse he aldus langhe ghedaen heeft, waeromme se meynden, dat dit
were to groten verderve slandes solden se sick hiir under geven. Und begeerden,
a) MigMtelU K. b) itlick K. c) da K.
D igitized by Google