Vollständiger Band - Hansischer Geschichtsverein

476
Versammlung za Lübeck. — 1450 Sept. 21.
und hem im rote was. So das di stat von Londen um ofloffis wille nicht dorste
dorchlassen, wen in Londen sint si ouch eyn teils czwetrachti[g]*, und hatten
sorge um eynen oflof, und al schoppen, als heuser mit wäre, steen czugeslossen
und al thavernen. So das der here konig mit synen heren ofbrach aus dem
gespreche und gebot allen hern und forsten um al ir macht zcu vorscreiben
und czu im czu London czu komen, her wolde eyn samelunge wedir* di gemeyne
machen. So das der here koning an sente Vite tag1 qwam selbir in Londen in
synen vollen harnisch gereten und lis im synen heim vorfuren gecronet und syn
wopen dorof. So das her sant in das her den hern cardynal von Jorg, den
herczog von Bogygam und begerte von der gemeyne, das sie von enandir czyn
solden. So das si sprachen, si wolden di forretirsch also vor benomet hau adir si
wolden al' dorum sterben, und saczten den hern also vorgescreben welche, den
e[r]czbischof« von Kantilberg, den bisschof von Salisberg, lort Say, den baron von
Dodile, Thomas a Kent, Daniel Trifilion, Bodifil, der des he[r]czogend von Betfort
husfrauwe genomen hot, etc. Ir ist jo 13 hern an andir, so mir Niclos Hirsberg
schribet, of di man ouch munkilt, also Robart a Kaym und Robert Horn. Und
si hetten al dy gemeyne gerne frede wedir mit dem lande von Prussen und is
hette sicher nicht so lange gestanden, euwir genode, here gnediger, hette lange
botschaft und sendeboten gehat in Prussen vom hern konige czu Engeland noch
al euwirn genoden wille, tete di grosse zwetracht, di si dor im lande undir sich
selbir han8. Und als ich vorneme, dor ist nymant der gancz sicher synes libes,
konig adir fürsten adir phaffen adir leygen, wen der konig wolde do mit dem
volke gestreten han am donrstag noch Vite8, so das her sich in 3 here, so man
hir sagit von, Engelischen und von Deuchen, geschigket hat. So das her den
fromen grofen von Northummerlant und lort Schalis und eyn fromen ritter, her
Willem Schaffort, geschigket hat an das irste her, so das di qwomen am donrstag
fru, und do sant der her groffe czu en und bat si um czurugke czu czyn, si
wem from herren und nicht vorreteri so das si nicht wolden und slugen of sy.
Do slug di gemeyne her Wilhem Staffort tot und sost noch 2 ritter und bi 350
man und fyng den groffen von Northummerlant, und her was gewunt und ge-
schosschyn im arm. Und lort Schalis wart auch gefangen und sere gewunt, das
andir volk flog al kyn Londen. So das der koning mit allir macht um 9 gereit
was, um czu czyn czu streite czu Blaghoit, do entwech das gemyne folk dem
konig 3 Engelische myly von dar und entphoit dem hern konige, das her si nicht
vordir suchte, wen sy wolden sich nicht gerne kyn im setczen, und si weren us
um synes besten und um das gemeyne landis beste, her gebe in di vorreter, si
wolden si nicht rechten ir eyn recht sulde obir sy gehen, wern sy schuldig si
sulden leiden, wern si nicht schuldig si sulden frei seyn. Do wolde is der konig
nicht thun. So diweile der konig as, do troten vom konige 10000, die besten
geharnischten man di her hatte, so das sich dor der koning bedochte und wolde
is thun und hot gefangen lort Say, den baron a Dodile, Daniel, Trifilion und sost
ouch andir, di ich nicht weis. Und her leit suchen den bischof von Salisberge
und andir me und hot geboten, wo man ir gutir kriget, der sal si behalden, und
wer irkeynem vorreter weg hil[f]t ’, der do berochtiget ist, der sal diselbige busse
leiden. Und do ist noch nymant gericht, und di gemeyne wil aus dem velde
nicht ir josticia gesehen ist, so das is dor gar obil steit, und weis nicht, wie is
blyben wirt. Was ich hir noch von dor vorneme, das wil ich euwirn genoden
wol schreiben. Ouch so han si kyn schiffe czu orlei nicht us, wen si han so vil
a) czwetrachtit K. b) wedir wedir K. c) eczbischof K.
d) hectogen K. e) hilt K.
*) Jun. 15* 9) Zu ergänzen: dem nicht Abbruch. s) Jun, 18.
Digitized by ooQle