Vollständiger Band - Hansischer Geschichtsverein

Versammlung zu Lübeck. — 1443 [Ende Mrz.]. 9
so moste gy 6 erlyke stede vorbenomet etlyke van den juwen sendeboden, de uns
neghest beseten synt, alse de erlyken van Lubecke, Rosztok, Wysmar unde Strales-
su n d , zo betyden uns heersenden, de uns hir uppnemen in velicheyt unde uns
dar henne volgeden unde herwedder. Unde dat gy ersamen stede uns darane
besorgeden unde vorwarden, dat wy unde de unsen unses lyves unde gudes ud
unde herwedder velich mochten wesen in alle[r]leye0 mate sunder arch, bey de
an worden unde an daden, unde dat unse slot, stad, land unde lude hir to Gotlande
unde alle dejennen, de uns beweghen synt, ze syn wor ze syn, ok in enem guden
zekeren vrede unde velicheyt unbescheddighet bleven, den loven unde truwe
wille wy to Gode unde to juw setten, dat wy myt den unsen wol vorwaret blyven
sunder arch. Mach uns nw dyt weddervaren, unde schryve gy uns dat to, so
schole gy weten, dat wy van stunden an unse were willen affleggen unde juw
denne unsen machtbreff senden, dat gy unser vulmechtich wesen scholen, alse
vorschreven steyt. Schole wy to deme vorbenomeden dage, [so]b konde gy den
van Denmarken unde Sweden berichten unde erer darto vormoghen, unde seggen
en dat ok erenstafftigen, dat ze uns van dem unsen so vele senden, dar wy uns
to dem daghe mede moghen ud richten, so weret yo ere unde werdicheyt, dat wy
dar zo qwemen, alse syk dat borde, unde ok alse erem herren borde to komende.
Wente se hebben yo alle dat unse beholden unde uns butene besloten in guden
truwen unde loven, dar ze uns in eren werven udgesand hadden, unde wy hebben
nicht wen dyt klene land, unde dat vormach yt nicht udtostande. Men krygc
wy yo nicht, zo ys yt uns nod unde behoff, dat wy unde de unsen uns des unsen
benalen, dar uns van dem unsen wes werden mach, unde dar wille wy noch
handelinge, noch vrede, noch vruntschopp, noch daghe mede breken, ufft wy deme
zo don. Is yt ok, dat gy erer. nicht to eren unde to rechte mechtich werden
konen, alse vorschreven ys, so bidde wy juw, leven vrundes, dat gy wol don, unde
underwysen den menen kopman, dat ze neen tosokent edder vorkeringe myt en
hebben, dede unse vyende zint, scheghe dem kopman jenich vordret edder darover
bescheddiget wurde, so weret uns leyt, doch dat wy yt nicht keren konden, alse
wy juw wol er geschreven unde gebeden hebben; doch hebbe wy vele in dessen
tyden umme juwer leve willen laten overzeen. Leven vrundes, desses beghere
wy juwer ersamen leve beschreven antworde myt dem aller ersten, so dat wy ok
moghen uns weten darna to richtende, welkere wy Gode almechtich bevelen to
langen saligen tyden. Scriptum Gotlandie, in Castro nostra Wisborgh, anno domini
1443, ipso die visitacionis Marie virginis, nostro sub secreto. In persona propria.
16. K. Erich von Dänemark beurkundet den eventuellen Abschluss eines Waffen-
stiUstandes mit H. Christoph. — Wisborg, 1443 Jul. 2.
L aus StA Lübeck, A. Dan. 2 , Copie, überschrieben: Utscriffte koning Erikes
vredebreves koning Cristoffere unde sinen riken geven, durende 4 weken na sunte
Marien Magdalenen dage.
Wii Eriik, van Godes gnaden to Denemarken, Sweden, Norwegen, der Wende
unde Gotthen koning unde hertoge to Pomeren, don witlik unde bekennen opembare
vor allesweme, dat de ersamen stede Lubecke, Hamborg, Rostock, Luneborg,
Wismer unde Stralessund hadden nu an uns gescicket unde gesand ere ersamen
sendeboden, alse her Wilhelm van Calven, borgermester to Lubeke, unde her
Jacob Bramsteden, radman darsulves, van alle erer wegene, mit etliken breven
unde werven, de en hertich Cristoffer, unser sustersone, unde unsser riike redere
a) alleleye L. b) so fehlt l .
Hansercesse t. 1431— 76. III. 2
Digitized by G o o g l e