Vollständiger Band - Hansischer Geschichtsverein

252 Verhandlungen in Flandern. — 1447 Okt. 26 — 1448 Apr. 17.
stede und tiit, dat de 4 leden vergaderen wolden om der heren radessendeboden
werve to hörende, up welker reysen meester Gosen to uncoste dede 17 ß 4 gr.
Item was Albert Hopesomer gesent to Ypren mit enen breve, dat se hiir ripelick
to daghe senden wolden, de dede to uncosten 6 ß 2 gr.
8. Item up den sevenstiensten dach in novembri weren de vier leden des
landes van Vlaenderen vergadert bynnen Brucge und deden den heren radessendeboden
van der gemenen stede van der hense te wetene, of en gelievede by se to
komene in dat ghiselhuus etc., also de heren daden. Und alse se bynnen vor
de vier leden quemen, doe danckede de doemdeken van Lubekea, dat se to horer
begheerten vergadert waren den vier leden, und presentierden voert enen cre-
denciebreef van den gemenen steden vorscreven wtghesent up de heren radessendeboden
sprekende. Ende alsse de dair int openbaer gelesen was, doe seghede
meister Clais Langhebaert van der vier leden weghene, gheleveden en enighe saken
uptedoen, se wolden de geerne und guetlick hören. Alse heef de doemdeken zine
woerden und der heren radessendeboden bodescap und werve an in der manieren
alse hiirnae volghet: Eerbare wise und vorseneghe heren. De ghemenen stede
van der Duitscher hanzen, nu desen somer lest vorleden bynnen der stad Lubeke
to dage vergadert, untbeden ju eren vruntliken grut, gunst und goeden willen und
hebben uns hiir bii uwer eersaemheit ghesant und belast mit etliken bodescappen
und werven, de wii ju gheerne updoen willen nadem ju de, alzo gii ghesecht
hebben, up desse tiit beheghelick siin to horene. Eerbare lieve heren. De ge-
mene stede van der henzen, alz ick vor segede, bynnen Lubeke um vele merke-
liker saken willen vergadert, hebben under ander anghesien und overweghen den
staet van hantieringe der kopenscap, wo de nu vil na to nichte gegaen is und be-
dorven, und beviinden nae den groten und zwaren dachten, de voer de stede
gekomen synt, dat de gemene coopman van der hense bynnen den ströme und
lande van Vlaenderen zwaerlike wort vercort und veronrecht und siins gueds
berovet jeghen vriiheden und Privilegien, de gii herenb den ghemenen steden
und coopman van der hanse hebben gegheven, beseghelt und bii uwen eede be-
lovet to holdene, und dat de coopmanne, alze he aldus veronrechtet und besce-
dighet wert und ju heren darumme versouket und claghet, zeer weynich off mit
allen nene hulpe of bystant en viindet, so dat bii noden dec coopman wt dessen
lande vervreemdet und ander havene und plaetsen mit sinen guede versouket,
waerbii de Stapel hiir to nichte gaet in achterdeel der ghemenen comenscap und
Sonderling des lands van Vlaenderen. Um welke verkortinghe willen des coop-
mans und verderiT des stapels und der comenscap de ghemene stede vornoempt
nicht weynich unmoets ghehadt hebben und beweghen ziin gewesen und int eynde
nicht anders versinnen en conden, dan gii heren des coopmans moede ziit und
nicht langher bynnen den lande van Vlaenderen willen liden, want also se overmerket
hebben dat unrecht, verkortinghe und schaden, de den gemenen coopman
bynnen den lande van Vlaenderen van langhen olden tiden herwaert gedaen siin
und den arbeyt, moeyenisse und grote cost, de de stede van der henze daerumme
gehat hebben vormids eren erliken sendeboden, de se hiir int lant in den jare 25
und dairnae in den jare 34 gesent hadden, und dat van allen gebreken, wo vele
gii herenf den sendeboden beloveden und toesegheden, dat mynste poente nicht
en waert ghebetert noch gheholden, sonder alleen, dat de coopman van der henze,
alse he to Andwerpen was, enen afkoep und composicie mit ju makede van den
verledenen vercortinghe und schaden vorgheseghet umme de somme van 8000
t) Lubeken K. b) gheren K. c) den K.
D igitized by ooQle