Vollständiger Band - Hansischer Geschichtsverein

Verhandlungen in Flandern. — 1447 Okt. 26 — 1448 Apr. 17. 257
vrienden, welck schip se ghebracht hedden to Amborch, dar dat were ghepartet,
ghebuetet und gedelet; und dergelike hedden dezulve ghenomen een ander
schip, in den tiden toebehorende Gherd Coliins und Philips de Craen, dat oock
na den vorsegheden Levine toqweme, welck schip se ghebracht hadden to Wismer,
dar dat insgheliicx ghepartet und ghedeelt were, und wo vele de vorsegheden be-
schedigeden darumme vervolghet hadden an de van der Wysmaer und de van
Amborch mytgaders certificacien miins heren van Burgoengen etc. so en mochte
[en]* doch recht noch bescheyt van eren schepen und gude wedervaren. Und
bedageden darenboven, dat de van Amborch hedden untholden enen bode van
Ghend sekere breven, de he den rade ghetoghet hedde denselven saken angaende,
dat doch nicht behoirlik en were etc. Darmede deden de 4 leden den partien
afgaen, und doe zeghede weder meister Johan Rim, wo dat se noch meer dachten
hedden de se dochten in ghescriften to stellenne upter neghester dachvaert on
overtoghevene, waerup de heren ere vertrec namen. Und als ze weder by de
4 leden qwemen, seghede de deken van Lubeke, wo dat se ore antword wal ver-
staen hadden und also ze dan eene andere dachvaerd na den hilighen daghen
van midwiinter begheefden to holdene und des coopmans Privilegien visenteren
moesten dewelke to Brugge weren, so wolden de heren gheerne de voirseghede
dachvaert mit en holden des anderen daghes in januario in de herberghe to
wesene bynnen Brucge. Und alse up de dachten de dair ghedaen weren und
andere de se en samentlick in scrifte wolden gheven, so voirscreven staet, was
der heren begheringhe, dat de 4 leden ere saken de se eerst vortghestellt hadden
wolden eyndeghen, up dat de ene den anderen nicht en verstuerede, wanneer
dat ghescheen were en wolden se nicht so haestelick vertrecken men wolden dan
gherne van den anderen eren wederclachten handelinghe mit en hebben. Und
sunderlinge verantworde de deken de van Amborch in den dat se den boden van
Ghend sine breve solden vorontholden hebben, also dat oock her Johan Rotghers
secretarius der stad van Amborch, selven muntlick verantworde. Waerup dat de
4 leden deden segghen, dat se den dach und dachvaert vorscreven wolden holden
und dat se ere wederclachte jlan in ghescrifte wolden overgheven, doch nicht to
sulken einde dat se yet in meyninghen weren darmede de eerste und principale
sake to belettene. Und myt dessen eynde scheiden de heren van den vier leden
vorscreven.
16. Item upten 22 dach in decembri quam bi den coopman int reventer her
Godert van den Watervate mitgaders meester Johan van Berck und seghede, woe
dat van alsodane scheydinghe alsso in den somer lest vorleden to Lubeke ghe-
schach overmids etliken heren bi den ghemenen steden van der henze darto ghe-
ordineert anghaende den broken den de coopman to Brucge hiir bevoren ghenomen
heeft van denghennen de in vorbodenen tiiden Engelant versochten, de
cooplude, namelik borghers to Colne, des nicht to vreden en weren, went des
gheldes en were nicht allene gewesen 84 pond men twewerf 84 pond, und omme
dat he dar vorder last und v[or]derh underwisinge to doen hadde, so begheerde
he to seen und to lesene alssodane gebod und ordinancie alsse in vorledenen tiiden .
bi den heren radessendeboden etc. up England nicht to versoukene were ghe-
maect. Warup de coopman den vorscreven heren Goderde under vele woerden
verantworde, dat boven den dattet recesse daroff uutwiset bi deme coopmanne
ghenec scrifte Sonderlinge weren, men itliken van des coopmans [raede]d were
wel indechtich, dat alsse de vorseide ordinancie ghemaect was de heren radessendeboden
vorseget deden verboden den ghemenen coopman int reventer, daer
») en fehlt K. li) vander K. c) ghemene K. d) raede ftktt K.
Hansereeesa« y. 1431— 76. III. 38
D igitized by C j O O Q l e