WtCd7B

es lengua
en tongue
lingua de boi loc.s.f. Cogomelo que medra
pegado ao tronco das árbores, co sombreiro
semicircular, de cor avermellada, pé lateral
curto e groso, da mesma cor que o sombreiro,
e carne de sabor acedo, que segrega
un líquido vermello ao cortala.
gl fígado de boi
es hígado de buey
en beefsteak fungus
en ox tongue
NC Fistulina hepatica
lingua de gato loc.s.f. Galleta de forma plana
e alongada, elaborada cunha masa de fariña,
ovos, manteiga e azucre, aromatizada
con vainilla, que se coce no forno.
es lengua de gato
en langue de chat
lingua de ovella loc.s.f. Cogomelo co sombreiro
convexo cando é novo e aplanado na
madurez, de cor abrancazada ou amarelada,
himenio formado por agullas compactas,
pé curto e groso, polo xeral excéntrico,
e sabor lixeiramente amargo.
gl lingua de vaca
es lengua de vaca
es lengua de gato
en hedgehog mushroom
en wood hedgehog
NC Hydnum repandum
lingua de ovella avermellada loc.s.f. Cogomelo
co sombreiro hemisférico ou plano
convexo, irregular e de cor avermellada,
himenio formado por agullas compactas,
pé groso e abrancazado e sabor lixeiramente
doce nos exemplares novos e
amargo nos maduros.
gl lingua de vaca avermellada
es lengua de gato rojiza
en terracotta hedgehog
NC Hydnum rufescens
lingua de ovella branca loc.s.f. Cogomelo
co sombreiro convexo e abrancazado
cando é novo e plano, irregular e de cor
amarelada na madurez, himenio formado
por agullas compactas, pé curto e groso e
sabor lixeiramente amargo.
gl lingua de vaca branca
es lengua de vaca blanca
en white hydnum
NC Hydnum albidum
lingua de vaca loc.s.f. Véxase: lingua de
ovella
lingua de vaca avermellada loc.s.f. Véxase:
lingua de ovella avermellada
lingua de vaca branca loc.s.f. Véxase: lingua
de ovella branca
linguado s.m. Peixe branco de corpo plano e
ovalado, co dorso de cor parda con manchas
escuras, ventre abrancazado, aleta
pectoral cunha mancha negra no extremo,
aletas dorsal e anal moi apegadas á caudal
e ollos pequenos e xuntos situados no lado
dereito.
es lenguado
en sole
en Dover sole
NC Solea solea
liofilización s.f. Proceso que consiste en conxelar
un alimento a baixa temperatura e eliminar
a auga que contén mediante a acción
do baleiro, co fin de inhibir a actividade
microbiana, prolongar a súa conservación e
evitar ou reducir as perdas nutricionais e
organolépticas.
es liofilización
en freeze-drying
en lyophilisation [GB]
en lyophilization [US]
liofilizar v.t. Conxelar un alimento a baixa
temperatura para eliminar a auga que contén
mediante a acción do baleiro, co fin de
inhibir a actividade microbiana, prolongar
a súa conservación e evitar ou reducir as
perdas nutricionais e organolépticas.
es liofilizar
en freeze-dry
en lyophilise [GB]
en lyophilize [US]
lionesa s.f. Doce similar ao profiterol, pero de
maior tamaño, reenchido de crema, nata ou
chocolate.
es lionesa
en cream puff
lípido s.m. Substancia orgánica composta por
carbono, hidróxeno, osíxeno, un éster de
alcohol e un ou máis ácidos graxos, ademais
doutros constituíntes, que se caracteriza
por ser insoluble en auga e soluble en
disolventes orgánicos, e que realiza no organismo
funcións estruturais, de illamento
e de almacenamento enerxético.
es lípido
145