WtCd7B

longaínza s.f. Chourizo embuchado nunha
tripa natural ou artificial de diámetro inferior
a 22 mm.
Nota: Cando o calibre da tripa se atopa
comprendido entre 22 e 40 mm denomínase
indistintamente “chourizo” ou “longaínza”.
es longaniza
en thin chorizo
longueirón s.m. Molusco bivalvo similar á
navalla, pero de maior tamaño, coas cunchas
coa marxe dorsal recta e a ventral lixeiramente
curvada, dous dentes na valva
esquerda e un na dereita e liñas de crecemento
claras.
es muergo
en pod razor shell
NC Ensis siliqua
longueirón vello loc.s.m. Molusco bivalvo
similar ao longueirón, pero de menor tamaño,
coas cunchas máis brillantes, co
bordo anterior oblicuo e un dente en cada
valva, liñas de crecemento rectangulares e
carne máis dura.
es longueirón
en grooved razor shell
NC Solen marginatus
lorcho transparente loc.s.m. Peixe branco
de pequeno tamaño, que pode acadar 6 cm,
co corpo alongado e comprimido lateralmente,
sen escamas, de cor translúcida, con
dúas aletas dorsais separadas e cabeza e
ollos grandes.
es chanquete
en goby
en transparent goby
NC Aphia minuta
loureira branca loc.s.f. Uva branca autóctona
de Galicia, de pequeno tamaño, forma
esférica e pel grosa de cor verde amarelada,
utilizada especialmente para a elaboración
dos viños das denominacións de
orixe Rías Baixas, Ribeira Sacra e Ribeiro.
gl marqués
es loureira blanca
es marqués
en loureira branca
loureira tinta loc.s.f. Uva tinta autóctona de
Galicia, de pequeno tamaño, forma esférica
e pel grosa de cor negra azulada, de
cultivo pouco estendido e utilizada espe-
cialmente na elaboración dos viños da denominación
de orixe Rías Baixas.
es loureira tinta
en loureira tinta
loureiro s.m. Planta arbórea de follas oblongas
e coriáceas, de cor verde escura e moi
aromáticas, flores pequenas e amareladas
en umbelas e froito ovoide de cor negra, da
que se utilizan as follas frescas ou desecadas
como condimento.
es laurel
en bay
en sweet bay
en laurel
NC Laurus nobilis
louza s.f. Conxunto de utensilios que se empregan
na cociña e na mesa.
es loza
en crockery
lucio s.m. Peixe de auga doce, que pode acadar
máis de 1 m de lonxitude, de corpo
alongado e cilíndrico, co dorso de cor
parda verdosa, ventre abrancazado e boca
en forma de peteiro aplanado, con dentes
aguzados.
es lucio
en pike
en northern pike
NC Esox lucius
lumbrigante s.m. Crustáceo decápodo similar
á lagosta, pero de corpo subcilíndrico,
co cacho liso, de cor negra azulada con numerosas
manchas amareladas, e dúas pinzas
de gran tamaño e desiguais no primeiro
par de patas.
gl cereixo
es bogavante
en lobster
NC Homarus gammarus
lura s.f. Molusco cefalópodo co corpo alongado,
de cor rosada con manchas violáceas
e rematado en punta, con dúas aletas triangulares
nos laterais, oito brazos desiguais
con dúas filas de ventosas e dous tentáculos
máis longos, provisto dunha cuncha interna,
longa e estreita, e unha bolsa de tinta.
Nota: En inglés, a forma “calamari” designa
o animal preparado para o seu consumo.
es calamar
en squid
NC Loligo vulgaris
147