Les Écossais en France, les Français en Écosse - Electric Scotland

LES FRANÇAIS EN ECOSSE. 111
Messire Jacques Scringour
Fu en la bataille ce jour,
Et sire Helis de Guenemont.
Cil passa l'avant-garde moult
Pour faire en l'estour son devoir.
Et sy doy bien ramentevoir
Messire Jehan de Bouteville,
Qui à armes fu ce jour habille
Et moult grant plaisance prenoit
Quant les nobles barons veoit
A regarder sa contenance;
Car par sa très-haute vaillance
Chacun sa valour esprouver;
Car je puis pour certain prouver
Que es quatre parties du monde,
Comme il s'estend à la r[é]onde,
En Pruce, en Grenade, oultre-mer,
(Jherusalem puis bien nommer
Et les haus mons de Sinay ),
En Chypre et au port à Brandy,
A esté; et si vous tesmongne
Qu'onques mais si noble besongne
On ne veit en païs lointain,
Comme celle de Hasebain.
Nouveaux chevaliers escossoys
Furent ce jour, j'en sçay la vois,
Pour leur prouesse, en grant renom.
Sire Alexandre en son droit nom
De Commech, qui ot cuer entier,
Ce jour y fut fait chevalier,
Et messire Andrieu Stievart
Fu chevalier de belle part.
De Hay sire Guillebert
Fut ce jour en armes appert,
Com bon et hardi combattant.
Sire Jehan de Sidrelant
Doy bien en honneur mettre en compte,
Car il est Fiz d'un noble conte.
Sire Alexandre d'Iervin,
Qui le cuer ot humble et bénin,