Les Écossais en France, les Français en Écosse - Electric Scotland

496 LES ÉCOSSAIS EN FRANCE.
seullement qu'il y avoit grand plaisir de les veoir, encores que
je soye très-asseuré qu'il n'y en prenoit gueres, et aussi peu à
la bonne chère qu'il voyoit que je leur faisois. Ce sont, Madame
ma bonne seur, les nouvelles de nostre petit mesnaige, dont je
vous ay bien voullu faire part, affin que vous sentiez de là une
partie du plaisir que j'en reçoy ordinairement, qui augmente de
jour en jour, voyant madicte fille et la vostre aller tousjours de
mieulx en mieulx, qui est le plus grant contantement que je
puisse avoir."
De son côté, le cardinal de Lorraine écrivait, le 25 fé-
vrier 1542 : "Madame, suyvant ce que je vous ay dernièrement
escript, le roy a faict un voyage à Amboyse, pour veoir Mon-
sieur le Daulphin, Messieurs et Mesdames ses aultres enfants,
et la royne d'Escosse vostre fille, où je luy ay faict compaignye.
Et après vous avoir asseuré de la bonne prospérité et santé de
tous mesdicts seigneurs et dames, et aussy de celle de la royne
vostre dicte fille, je vous descriray les poincts qui plus vous
importent, et dont vous recepvrés, ce me semble, plus d'aise et
de contentement : c'est que ladicte dame vostre fille est tellement
creue et croist tous les jours en grandeur, bonté, beaulté, sai-
gesse et vertu, que c'est la plus parfaicte et accomplie en toutes
choses honnestes et vertueuses qu'il est possible, et ne se voit
aujourd'huy rien de tel en ce royaulme, soit en fille noble ou
aultre, de quelque basse ou moyenne condition et qualité qu'elle
puisse estre. Et suys contraint vous dire, Madame, que le roy y
prend tel goust, qu'il passe bien son temps à deviser avec elle
l'espace d'une heure ;
et elle le scet aussy bien entretenir de bons
et saiges propos, comme feroit une femme de vingt-cinq ans:
qui est, Madame, ce que j'ay voulu vous descouvrir par le com-
mancement de ma lestre, laquelle je poursuyvray par vous dire
comment le roy faict icy venir mesdicts seigneurs et dames, et
la royne vostre fille semblablement, qui y seront dedans huict