Njerëz që i dua - Gazeta Kritika

HOMAZH PËR ILMI LATËN DHE
PUSHTETIN SHQIPTAR
- Në 15 vjet, me 2 – 3 kalime në vit, Ilmi Lata nga Katundi i Ri i
Dibrës, ka kaluar maleve të Greqisë 30 – 40 herë, një rekord i
emigracionit shqiptar...
E kam në sy Luzninë, që ditën që vështrimi im u bë i
ndërgjegjshëm, që kur fëmijë ende i vogël dilja në kodër pak
metra larg shtëpisë time dhe vështroja fushën e Çapit,
shelgjishtet dhe vrrinishtet në deltën e Drinit, kur hapte krahët
i çliruar nga ngushtica e Hoteshit dhe i mbyllte ato kur futej në
ngushticën e Muhurrit.
Më vonë, kur kapa metrin e gjatësisë trupore, kur munda
të kaloj shelgjishtet dhe vrrrinishtet e të hyja mes dallgëve të
Drinit me dy kunguj ujzë në të dy anët e mesit, mjeti praktik i
kohës për të mësuar notin, kur një ditë gushti do të arrija ta
kaloj lumin e të futesha mes lajthishtës për të mbledhur kokrrat
e arrira, do të shkelja për herë të parë në tokën e Katundit të
Ri.
Më vonë, në rininë time, kur do të emërohesha agronom
në lokalitetin e Muhurrit, do të shkelja për herë të parë fshatrat
e Luznisë: Katundin e Ri, Arapin e Poshtëm dhe të Epërm,
Lishanin e Poshtëm dhe Epërmin dhe të fundmin, Hoteshin,
prapa një zabeli dushku do të futesha në “klasën e parë” të
shkollës së Luznisë.
100