Njerëz që i dua - Gazeta Kritika

kishte pasë besë, por edhe miq që e kaluan gruan dhe fëminë
lehtë në kufi dhe e zbritën shëndosh e mirë në fshatin e bukur
buzë detit…
…Këtu hodhën rrënjë. Jo rrënjë të vërteta, por nga ato
rrënjë që biologët i quajnë “rrënjë embrionale” e që janë të
përkohshme, se rrënjët e vërteta ai i ka lënë dhe i mban në
vendlindje, në Librazhd. Zunë një shtëpi të vogël nja dhjetë
metra larg bregut të detit. Ai vazhdoi të punojë në peshkim.
Lindita zuri një punë dy herë në javë gjatë gjithë vitit, dhe
gjatë gjithë javës në sezonet verore kur fshati mbushet me
turistë e plazhi i vogël me atë ujë të pastër e ajër të mbushur
me oksigjen gumëzhin deri natën vonë.
…Erdhi një çast që familja u shtua njëherësh me dy frymë.
Në jetë erdhi Dhimitra dhe Jani. Nuk ua prishën Lamit që i
kishte kaluar të nëntëdhjetat e jetës, me të dhe me familjen e të
cilit e lidhi gjuha. Lami është arvanitas dhe flet shqip, është
me rrënjë të vjetra shqiptare i ardhur kushedi sa breza më parë.
Por shqip flasin edhe shumë fshatarë të Sarantës dhe të tjerë të
zonës së Thivas, një shqipe që është kaq pranë shqipes së sotme
sa befasohesh. Binjakët, Dhimitra më e shëndoshë dhe Jani më
i dobët tashmë janë rritur, bredhin pa i marrë kush përdore, i
çon babai mëngjeseve në një kopsht fëmijësh në fshatin disa
kilometra larg dhe i merr në mbrëmje. Kur Lindita na tha se i
kishte lindur binjakët pa u shkëputur një minutë nga puna,
nga lokali drejt e në maternitet, m’u kujtuan nënat tona, gratë
shqiptare, ajo pjesë e jetës së tyre që pak është prekur e pak
është luftuar që të ngrihet në piedestalin e heroikës, gratë që
në rrjedhën e shekujve dijtën të ngasin qetë në arë, të rrokin
pushkën e në istikame, të gatuanin bukën, të lindnin e rritnin
fëmijë…
Eqeremi dhe Lindita tashmë e kanë thurur folenë e
përkohshme të jetës. Them e përkohshme sepse ata, edhe pse
larg, edhe pse kaq vjet mërguar, përsëri i trazon në shpirt e
kaluara, jeta dhe puna në Librazhd. Eqeremi netët i kalon në
peshkim, kurse ditët në punë të ndryshme në fshat. Në oborrin
119