Njerëz që i dua - Gazeta Kritika

QESHIM KUR QESH SPEKTATORI
Bisedë me humoristët vlonjatë Afrim Agalliu,
Muhamet Liko dhe Agron Hamo
Ata erdhën nga Vlora, nga ai qytet me histori Shqipërie në
kohë e hapësirë, nga ai qytet ku lindën dhe u rritën, që i ngjiti
në skenë dhe i duartrokiti duke qeshur me lot, që e përcolli
humorin e tij në mbarë Shqipërinë e tash në mbarë botën, atje
ku flitet e qeshet shqip. Ata kanë ardhur disa herë në Athinë,
mbajnë mend shumë takime me spektatorin emigrant, dy prej
të cilave në një stadiuum të madh lojërash me dorë, shfaqje që
i kanë befasuar dhe ua kanë mbushur sytë me lot. Unë i pashë
ato në skenën e një buzuku në Dhafni, në bulevardin Agiu
Dhimitriu 46, nën shoqërinë e Andrea Alushit. I pashë se si
qeshnin emigrantët spektatorë, si ngjiteshin në skenë e këndonin
bashkë me këngëtarët dhe se si vallzonin në sallë e podium…
Këto, në formën e një meditimi do t’i përcjell në një
fotoreportazh numrin e ardhshëm. Sot, nga holli i “Hotel
President”, duke pirë një kafe ekspres me ta, me Afrim Agalliun,
Muhamet Likon dhe Agron Hamon, kërkova të hyj në minierën
e humorit të tyre. Hapa një galeri… Nga ajo po i përcjell lexuesit
paksa nga floriri që këta BURRA i kanë dhënë popullit… Dhe
do t’i japin edhe shumë vjet të tjerë…
- Kur keni lindur?
- Afrimi: Unë kam lindur më 9 tetor të vitit 1949.
- Muhameti: Unë jam gaforrja, 25 qershor 1955.
- Agroni: Bricjapi, 15 janar 1950.
222