Njerëz që i dua - Gazeta Kritika

Thashë se me marrjen e pasaportës së re mbaroi maratona
ime, por isha gabuar. Biznesi, vula, AFM-ja, librii i shëndetit,
libri i IKA-ve, regjistrimet në bashki, në prefekturë e ku ta di
unë ishin me emrin Kolë. Të gjitha këta duheshin ndryshuar…
I bëra të gjitha. Sa kohë dhe sa para janë dashur për t’i
ndryshuar këto nuk e kam bërë llogarinë. Afërsisht mund të
them se me aq para do ta kisha bërë një shtëpi të re për prindërit
e mi në malet e bukura të Mirditës.
Tani e ndjej veten të lirë. Nuk jam më Kolë, por jam Sotirios.
Edhe gruas i ka ardhur e qeshura në buzë…
Ah! Harrova të them më të bukurën, më të gëzueshmen.
Në gusht do të martohem! Kisha ka pranuar që me emrin e ri
që mora të na bëjë celebrimin. Fustanin nuses do t’ia mbajë
vajza gjashtëvjeçare, kurse lulet do t’ia japë djali trevjeçar. Kjo
e fundit, sipas zakonit të maleve tona, ku në prehrin e nuses
ulin një djalë që të bëjë shumë djem.
Kjo që ju tregova është për të qeshur, por edhe për të qarë.
Ju merreni si të doni, merrni ose të parën ose të dytën, ose, më
e mira, merrni të dyja bashkë: QESHNI dhe QANI!
202