Njerëz që i dua - Gazeta Kritika

T’U RRITTË NDERA NDUE NIKOLLA!
Një lajmërim postar rekomande. Një letër, brenda së cilës
një libër i vogël i përmasave 18 me 13, mbushur në të tridhjetedy
faqet me nektar shpirti, poezi. Brenda librit dy kartolina; njëra
me pamjen e Kavallës natën dhe tjetra me Kavallën në breg të
detit (Sa e bukur qenka Kavalla!) Në njërën nga kartolinat
shkruhet:
“Zonja e zotrinj të redaksisë dhe ata që i përkasin beqarisë!
Gëzuar Vitin e Ri 2007. Të jetë një vit i begatë në gazetari dhe
shëndet e lumturi personale e familjare. Një mijë të fala nga
Kavalla! Nga Ndue Nikolla, ish mësues i letërsisë. Në futboll
admirues i “Vllaznisë”!
Brenda zarfit dy letra në dorëshkrim. Në të parën shkruhet:
”Po u dërgoj këtë libër me vjersha, që e nxora nga botimi në
shtator 2006...” Në letrën e dytë një urim në vargje:
Gazeta “Emigranti”
Shkruen për të thjeshtit,
shkruen të vërtetën.
O gazeta “Emigranti”,
Tek ti gjejmë vetveten.
Siç punojmë ne pa orarë,
Ti rri zgjuar gjer natën vonë,
Bisedon me mërgimtarë
163