Njerëz që i dua - Gazeta Kritika

- Unë harroj se jam nga Shqipëria. Jo në kuptimin se jam
shqiptar, por trajtimi dhe bashkekzistenca me kolegët e tjerë
grekë është fare e barabartë, pa asnjë problem. Mënyra e të
sjellurit dhe e bashkëpunimit është e tillë që në asnjë moment
nuk më shkon në mend se unë jam i huaj në këtë punë. Kjo
është meritë e atyre që kanë koncepte të drejta lidhur me të
huajt, nuk kanë elementë të diskriminimit. Por, nga ana tjetër,
është edhe meritë e imja se, në qoftë se nuk e mendon, nuk e ke
brenda idenë se unë jam i huaj dhe pse më flet kështu. Unë
brenda vetes sime nuk e ndjej veten inferior karshi kolegëve të
mi, nuk e ndjej veten si i huaj. Kjo më ndihmon t’i shoh të
gjithë të barabartë dhe puna vazhdon. Mos harroni se në këtë
veprimtari private shumë mjekë dhe personel paguhen nga
puna ime, nga pacientët e mi.
- Në një spital privat të rejat shkencore hyjnë më shpejt se në
një spital shtetëror. Sa jeni lidhur ju me të rejat dhe çfarë rruge
ndiqni për njohjen dhe përvetësimin e tyre?
- Në spital privat ritmet e përparimit dhe të punës janë
shumë më të larta sesa në spital shtetëror. Fatkeqësisht, shteti
është kudo njësoj, me ato burokracitë e veta, me grevat. Kryhet
e njëjta punë me një numër shumë të madh njerëzish që në
anën praktike e vështirëson shumë punën. Ju e shihni edhe sot
që po bisedojmë me çfarë ritmesh punohet. Unë jam këtu i
ulur, por jam gjysmë i ngritur, sepse kam të sëmurin në sallë.
Kjo bën që ritmet e punës në spitalin privat janë jashtëzakonisht
të shpejta, jashtëzakonisht të larta, kjo për faktin se në
aktivitetin privat nuk je i sigurt për punën e nesërme. Duhet të
punosh mirë sot, që të sigurosh të nesërmen, duhet të punosh
vazhdimisht.
Përsa i përket të rejave shkencore ne i marrim nga
literatura e vazhdueshme, botimet periodike dhe traktatet
shkencore me të cilat jemi abonuar, është kompjuteri dhe
interneti. Është pjesëmarrja në kongrese. Na është krijuar
mundësia për të shkuar në të gjitha kongreset jo vetëm në
Europë, por edhe në Amerikë e gjetkë. Sot, me të mbaruar
240