Njerëz që i dua - Gazeta Kritika

i këtij spitali. Me pak fjalë, puna ime është kardiokirurgjia,
trajtimi kirurgjikal i sëmundjeve të zemrës si bay-pas-et,
sëmundjet e aortës, të valvolave dhe disa sëmundje të tjera më
të rralla.
- Cila ishte rruga për njohjen e profesionit të kardiokirurgut në
Greqi?
- Njohja e profesionit të të huajve si dhe të grekëve që
mbarojnë jashtë kufijve të Greqisë ka një procedurë të caktuar.
Fillimisht duhet njohur diploma e universitetit nëpërmjet disa
provimeve që jepen, të cilave unë iu nënshtrova. Në Ministrinë
e Shëndetësisë ekziston një organ i caktuar, i cili, pasi shqyrton
gjithë specializimin e kryer jashtë kufijve të Greqisë, përcakton
mbi bazën e ligjshmërisë greke, se çfarë duhet plotësuar për të
të dhënë të drejtën e ushtrimit të tij në Greqi. Pas mbarimit të
universitetit duhet t’i nënshtrohesh një procedure që zgjat
shtatë vjet për të marrë të drejtën e profesionit si kardiokirurg.
Nga i gjithë aktiviteti që kisha bërë jashtë m’u njohën pesë vjet.
U detyrova të plotësoj edhe dy vjet në Greqi, në specialitet. Pas
kësaj iu nënshtrova një provimi dhe m’u dha e drejta e ushtrimit
të profesionit.
- Pate vështirësi në këtë rrugë?
- Nuk pata vështirësi në dhënien e provimeve dhe në
kalimin e gjithë këtyre procedurave, sepse kur erdha në Greqi
në vitin 1985 kisha dhjetë vjet mjek, me një përvojë të madhe
në mjekësi në përgjithësi dhe në kirurgjinë e toraksit. Përveç
specializimit në Shqipëri kisha bërë edhe një specializim
dyvjeçar në Francë. Kështu, njohuritë e mia të gjera mjekësore
dhe praktika më ndihmuan të mos kem shumë vështirësi në
testet e bëra.
- Çfarë gjuhësh dini?
- Di anglisht, frëngjisht, greqisht dhe di shumë mirë shqip
(qeshim).
- Ku e keni mësuar greqishten?
- Greqishten e kam mësuar këtu. Kur erdha nuk dija asnjë
fjalë greqisht. Isha i detyruar të mësoja greqisht, sepse provimet
236