Njerëz që i dua - Gazeta Kritika

NJË NJERI QË LËSHON “RREZE TË ARTA”
NË MJEKËSI
Ai është gjithnjë i zënë. Është i zënë me shëndetin e
njerëzve, me hallet e tyre që lidhen me shëndetin. Kur arrin ta
kapësh pas syzave transparente, vëren dy sy ku reflektohet
mirësia njerëzore dhe zgjuarsia intelektuale. Unë, pas shumë
ditë telefonatash, arrita ta “kap” në disa minuta kohë para
operacionit. Ai fliste me mua dhe mendjen e kishte gjetkë. Në
sallë e priste pacienti i gatshëm për një ndërhyrje të rëndë në
zemër. Biseda me të kisha dhe kam përshtypjen se ishte si biseda
e një gazetari me një atlet që këmbët i ka mbi pedan dhe
mendjen në shiritin e finishit të garës...
- Rezart Deveja mjek, kardiokirurg i dëgjuar, vetëm kaq?
- Jam i datëlindjes 1960, 45 vjeç. Kam mbaruar Fakultetin
e Mjeksisë para njëzet vjetësh, në vitin 1985, në Universitetin e
Tiranës. Jam specializuar në kirurgjinë e zemrës dhe të
mushkërive. Specializimin e kam filluar në Shqipëri, e kam
vazhduar në Paris dhe e kam përfunduar në Greqi.
- Çfarë viti ke qenë në Paris?
- Kam qenë në vitet 1992-1993. Nga viti 1995 jam në Athinë.
Në vitin 1999 kam marrë lejen e ushtrimit të profesionit si
kardiokirurg në Greqi. Që nga ai vit punoj në një spital privat
që quhet Jatriko Qendro Athinon, në Marusi.
Fillimisht fillova punën si kirurg i inkuadruar në një grup
kardiokirurgësh dhe që nga viti 2002 jam bashkëpuntor primar
235