Njerëz që i dua - Gazeta Kritika

SHQIPTARË NË HYDRA
…Kur anija mori kthesën dhe u fut në patkuan që formon
molin e Hydrës, majtas, mbi një shkëmb, një “shkëmb” tjetër i
derdhur në bronz, Andrea Miauli, kapedani i madh i
arvanitasve, njeriu që bëri epokë me anijet dhe trimëritë e tij
dhe të hydriotëve në revolucionin grek, ishte i pari i konakut
mikpritës…
E mora kapedanin e madh dhe e futa në celuloid. Kur ta
nxjerr ndonjë ditë do ta pyes për kapedanen e madhe
arvanitase, Bubulinën, do ta pyes një për një për të gjithë
kapedanët e tjerë arvanitas që udhëhoqën fitoren e popullit
grek në dekadën e dytë të shekullit XIX…
…Radhët e mëposhtme po i lë të mbushen me të gjallët,
me heronjtë e heshtur që i japin Hydrës jetë e gjallëri…
Hotel “Argos” është një “thumb” në patkuan e limanit të
Hydras. Një ndërtesë tipike hidriote, me mure guri e dritare që
nga njëra anë shohin gjiun e detit dhe nga ana tjetër rrëpirën
që naltohet duke mbajtur mbi banesa një mbi një që në vështrim
të parë të kujtojnë një mbi një ndërtesat dhe një mbi një dritaret
e Beratit. Hydra e tillë është nga bregu i detit në lartësitë e
malit. Gjithçka e “vjetër”, me ndërtesa të moçme, me rrugë të
kalldrëmta, pa një dorë asfalt gjëkundi, pas asnjë makinë të
vogël apo të madhe. Transportin këtu e bëjnë me kuaj, mushka
e gomarë, kafshë të cilat shërbejnë edhe si “taksi” në stere për
turistët.
Maria ka për mbiemër fshatin e vet në fushë të Korçës,
Bulgarecin. Ajo na priti dhe na përcolli nga hoteli Argos. Një
vajzë e re që me punë të palodhshme ka fituar respektin e
punëdhënësit të saj dhe të klientëve të shumtë që frekuentojnë
hotelin. Një vajzë që, kur kujton Bulgarecin, i mbushen sytë
me lot. E ka djegë malli. Uji i detit është i pamjaftueshëm për
të shuar mallin e emigrimit. E kanë provuar emigrantët e
mëdhenj me Naimin, Samiun, Çajupin, Mjedën, Shirokën... Po
300