Njerëz që i dua - Gazeta Kritika

drejtuesin e saj. Ata kishin komunikuar bashkë, madje Jovani
ishte shprehur i gatshëm të shkojë e t’i ndihmojë atje…
- Aleko Zeqo, ardhur nga Kavalla e largët në Athinë, a mund
të prezantoheni me lexuesin e “Emigrantit”?
- Unë jam Aleko Zeqoja nga Kopliku i Shkodrës. Jam
kryetar i Shoqatës së Shqiptarëve në Kavalla.
- Pak nga jeta juaj?
- Jeta ime andej ka qenë e lidhur me shkollën. Dy vitet e
fundit atje kam punuar si ndihmës veteriner. Kam mbaruar
shkollën e mesme në Laç, kam bërë edhe një kurs në Fushë-
Krujë për veteriner.
- Kur keni ardhur në Greqi?
- Kam ardhur në muajin maj të vitit 1991. Fillimisht u
vendosa në një fshat të Selanikut, Langalla, për dy javë. Pastaj,
nga ajo ditë në Kavalla.
- Çfarë pune bën atje?
- Tani për tani punoj si magazinier në një firmë biskotash
etj. Prej tre vjetësh bëj këtë punë. Në dhjetë vjetët e mëparshme
kam bërë punë nga më të ndryshmet.
- Ju keni formuar atje një shoqatë. Cila është gjeografia e
shoqatës suaj?
- Shoqata është e të gjithë shqiptarëve. Të 13 anëtarët të
këshillit drejtues mund të them se janë nga të gjitha viset e
Shqipërisë: Gjirokastra, Tepelena, Korça, Vlora, Shkodra,
Tirana, Fieri, Mirdita, Kurbini… nga të gjitha skajet e
Shqipërisë.
- Keni qenë përpara në Athinë?
- Kam ardhur për punë, me ndonjë shërbim brenda ditës.
- Sa rrugë keni bërë nga Kavalla për të ardhur këtu?
- Mbi shtatëqind kilometra.
- Me çfarë mjeti keni udhëtuar?
- Me makinën time, me familjen, me fëmijët.
- Cila është përbërja e familjes suaj?
- Kam gruan që quhet Valbona Zeqja, vajzën Selvie Zeqja
268