Njerëz që i dua - Gazeta Kritika

SA KUSHTON “ IKJA NGA BURGU“ ?
Unë, Ti, Ai, Ajo, Ne, Ju, Ata, Ato… kemi dorëzuar
dokumentet, një për një, në dy kopje të legalizuara me firmë e
vulë, kemi paraqitur origjinalet si dëshmi se jemi njerëz të
rregullt, kemi paguar edhe treqind euro paravolo, siç i thonë
në gjuhën vendase…
…Dhe kemi marrë një veveos, siç jemi mësuar ta
zëvëndësojmë fjalën shqipe vërtetim …
… Ky, veveosi ka vlerë vetëm brenda kufijve shtetëror të
Greqisë. Askush nuk ka të drejtë të lëvizë, pa leje të veçantë,
pa urdhër suprem të dikasterit policor…
Të vdiq nëna (larg qoftë) nuk ke të drejtë të shkosh t’i
hedhësh një dorë dhé nga toka që e priti dhe e përcolli… Ulu,
atje ku je, qaj nënën, qaj edhe fatin tënd të zi…
Po ike… mendou mirë… kufiri është i mbyllur…
Ke një dasëm; marton djalin, vajzën, nipin, mbesën? …
Dasmën ta bësh o për pashkë, o për krishtlindje, në
hapësirën e 10 deri në 20 ditëve që krijon leja e posaçme…
Dasmat, për të kursyer kohën e lejes, t’i bëni gjatë gjithë
ditëve të javës. Këtë përvojë mos e kërkoni në Greqi, por … në
Shqipëri. Në Gollobordë, fjala vjen, në kohë jo shumë larg të
shkuara, në Trebisht sidomos, dasmat i koncentronin javën që
lidhej me 1 Majin dhe atë që lidhej me 10 korrikun. Mjeshtrave
gollobordas të ndërtimit, që punonin në të gjithë Shqipërinë, u
viheshin në dispozicion autobusë të parqeve e të ndërmarrjeve
për të mos humbur asnjë ditë dasme. Vinin ata dhe i nisnin
216