Njerëz që i dua - Gazeta Kritika

NJERËZ TË PUNËS
Afrim Karame: “Më pëlqen të jemi të bashkuar”
Ishim parë disa herë, por fort e fiksova në një veprimtari
të shoqatës së lushnjarëve. U fol shumë për të. U fol si futbollist
dhe si njeri. E lamë që të takohemi këto ditë. Më mori në telefon
të martën në mëngjes. Më tha se atë ditë ishte paksa më i lirë.
Më dha adresën. Më priti në stacionin e Dhafnisë me “fiatin”
e tij. U ulëm e biseduam. Pastaj dolëm dhe pamë shtëpinë e tij,
një vilë e bukur. Njoha këtu Afrim Karamen, njeri të punës
njëzetekatërorëshe...Njoha një njeri me vlerë njëzet e katë
karat...
- Ku linde Afrim?
- Në radhë të parë ju falenderoj që erdhët dhe më patë
këtu në fund të Greqisë.
Kam lindur në Lushnjë në vitin 1951. Kam punuar e kam
jetuar atje. Kam luajtur futboll rreth njëzet vjet.
- Me kë?
- Me “Traktorin” e Lushnjës. Kam qenë një nga lojtarët e
“Traktorit”. Për meritat e mia nuk dua të flas, por kam lojtur
me ekipin e parë njëmbëdhjetë vjet. Tani punoj dhe jetoj këtu
në Greqi, bashkë me familjen time.
- Stadiumi i Lushnjës ka pasë emrin e një lojtari të madh të
skuadrës së “Partizanit”, që ka shkëlqyer në vitet ’50-të dhe fillimin
e viteve ’60-të.
- Roza Haxhiu...
105