Njerëz që i dua - Gazeta Kritika

Unë nuk e kam dëgjuar me veshët e mi, ma kanë treguar
shumë bashkëbisedues në takimet familjare e në mjedise
publike. Ata citonin të tjerë, por nga tingulli i zërit dhe nga
shprehja e fytyrës them që nga brenda shpirtit e thonin vetë.
Dhe kjo ndodhte sa herë, pas 2-3 orësh nën dritën e qiriut,
skuqej platini i hollë në qelqin hermetik të varur në tavan e
fytyrat e njerëzve merrnin dritë. Thonë se në ato çaste
shpërthente thirrja e hershme: “Parti – Enver”.
Ajo kohë nuk vjen më. Kjo, jo thjesht se koha ecën vetëm
në një drejtim dhe nuk kthen as kokën e as hapin prapa, por
edhe se falë privimeve që preknin të gjithë, nuk e do më njeri...
Fakti që kanë kaluar tashmë gjashtëmbëdhjetë vjet dhe kemi
hyrë në të shtatëmbëdhjetin pa shtuar asnjë kilovatorë energji
elektrike në rrjet, fakti që termocentralet e mëdhenj dhe të vegjël,
fakti që hidrocentralet e vegjël (vetëm në Dibër ato jepnin 16
milionë kilovatorë energji elektrike në vit) janë shkulë themelesh
ose janë katandisur në fole kukumjaçkas, nuk thotë asnjë fjalë
të mirë as për të majtën dhe as për të djathtën shqiptare.
Gjatë gjashtëmbëdhjetë vjetëve, nga viti 1946 e deri në vitin
1962, në Shqipëri, me kazma e lopata, u ndërtua një
hidrocentral në Tiranë, dy hidrocentrale mbi lumin e Matit
(Ulza dhe Shkopeti) dhe dy mbi lumin e Bistricës. Pas tyre do
të vinte Vau i Dejës (pas të cilit do të vinte 25 tetori i vitit 1971),
kur drita elektrike do të shkonte në çdo kasolle shqiptare, për
të ecur më tej drejt Fierzës, Komanit, Banjës (emri i së cilës prej
kohësh nuk dëgjohet më) drejt Skavicës, Bushatit, Vjosës...
Shqipëria është vendi më i pasur në botë me ujëra natyrale për
sipërfaqe territori e për frymë popullsie, shfrytëzimi i të cilëve
për prodhim energjie elektrike dhe për ujë të pijshëm përbën
një privilegj që nuk e ka kush.
Pse hidrocentralet e vegjël lokalë u shkatërruan? Pse
energjia elektrike e atyre që janë në gjendje pune nuk pranohet
në rrjet (pushtetarët thonë se nuk ka ligj !)? Pse termocentrale
të tillë të fuqishëm si ai i Fierit, Korçës dhe termocentrale të
tjerë të vegjël në qytete e zona industriale e minerare nuk
309