Njerëz që i dua - Gazeta Kritika

kardiokirurgjikal që mund të zhvillohet ashtu siç është
zhvilluar në fushat e tjera dhe që mund të siguronte premisa
për një aktivitet normal dhe bashkëkohorë kardikirurgjikal, do
të krijonte mundësitë që në një moment të caktuar të kthehesha
në Shqipëri. Vetëm, duhet të kesh parasysh se nuk di të bëj gjë
tjetër, veçse të operoj. Nuk mund të shkoj në Shqipëri dhe të
merrem me gjëra rutinë.
Edhe arsyeja që u largova nga Shqipëria ishte se në ato
vite puna filloi të shthurej, kishte shumë mungesa dhe
fatkeqësisht mblidheshim në kafe dhe diskutonim për politikë
në vend që të punonim. Në qoftë se nuk operon dy javë një
kirurg fillojnë dhe i ngathtësohen duart. Kjo na ndodh edhe
kur kthehemi nga pushimet e verës. Ditët e para pas pushimeve
kemi pak vështirësi, derisa futemi në shkathtësinë e përditshme
të punës.
- Me çfarë studimesh shkencore jeni marrë apo merreni?
- Gradë shkencore nuk kam për faktin se u largova nga
Shqipëria dhe u detyrova të ndjek një tjetër linjë. Këtu në Greqi
janë dy linja të aktivitetit, është linja univeristare, janë mjekët
që merrem më shumë me studime shkencore dhe linja e
mjekësisë praktike, linjë e mjekëve që i kushtohen më tepër
veprimtarisë praktike të profesionit të tyre. Fakti që unë u
detyrova të ndryshoj shtet, t’u nënshtrohesha disa provimeve,
disa specializimeve të reja, bëri që të mos merrem me punime
të mirëfillta shkencore, në kuptimin që të mbroja gradë
shkencore. Kuptohet, një gamë shumë e madhe e veprimtarisë
praktike, një përvojë shumë e madhe e punës, bën që përvoja
praktike dhe ajo shkencore të jenë në një shkallë të lartë.
Veprimtaria praktike shkencore bëhet nëpërmjet pjesëmarrjes
në kongrese, nëpërmjet botimeve të artikujve në revista
shkencore dhe punimeve që bëjmë ne në vazhdimësi. Klinika
jonë është një klinikë që përbëhet nga pesë kardiokirurgë me
një aktivitet goxha të madh. Ne operojmë rreth 450 klientë në
vit. Gati çdo ditë bëjmë dy operacione.
- Si është Rezarti mjek, në raport me mjekët e tjerë në Greqi?
239