Njerëz që i dua - Gazeta Kritika

Ata që vijnë nga Shqipëria çfarë hapash bëjnë për të ardhur
deri këtu?
Ne kemi pasë një bashkëpunim me ambasadën greke në
Tiranë për problemin e vizave si hallkë kryesore. Pasi
përcaktohet diagnoza dhe u thuhet se duhen bërë operacion,
bëhet kontakti me mua. Shoh dokumentet. Pjesa më e madhe
e këtyre të sëmurëve janë prej atyre që kanë fëmijët në Greqi,
që kanë të afërt. Nëpërmjet tyre bëhet komunikimi më i saktë.
Nëpërmjet spitalit ne ndihmojmë për marrjen e vizës, sepse
gjithmonë ambasada greke vë si kusht që të jetë një spital apo
një mjek si garanci në mes, që të marrë përsipër trajtimin. Pastaj
është procedura që ata vijnë, bëjnë analizat dhe në qoftë se
vërtet duhen operuar bëhet ndërhyrja. Megjithatë, këto kohët
e fundit kemi pasur disa vështirësi me ambasadën dhe
konsullatat. Kam përshtypjen se problemi i vizave për
shqiptarët shkon si me fushata, njëherë lirohet e një herë
shtrëngohet.
- Sa është detyrimi financiar për një të sëmurë që operohet në
spitalin privat Jatriko Qendër Athinon?
- Për të bërë vetëm koronarografinë shkon rreth një mijë
euro. Në rast se do të duhet t’i nënshtrohet ndërhyrjes
kirurgjikale operacioni kushton rreth dhjetë mijë euro, në të
cilën përfshihet vetë operacioni, pagesa e mjekëve, spitali,
shpenzimet për të bërë bay-pas ose operacione të tjera.
- Si e shihni të ardhmen tuaj si mjek?
- E ardhmja ime mund të jetë në Greqi ose në Shqipëri. Në
Shqipëri të ardhmen time e shoh në kushte më të favorshme
për të punuar, jo se ne jemi mësuar në kuptimi se nuk mund të
bëjmë dot. Kirurgjia e zemrës është kirurgji e madhe, e cila
don shumë hallka të tjera ndihmëse, sepse është e lidhur me
një reanimacion të fuqishëm, me shërbimin e transfuzionit të
gjakut që duhet të jetë shumë i fuqishëm. Në Shqipëri
funksionon një shërbim universitar, i cili me gjithë vështirësitë
që ka, bën një punë të mirë.
Në një moment të caktuar, një aktivitet privat
238