Njerëz që i dua - Gazeta Kritika

- Vojsava: Unë në grup si këngëtare jam marrëse, me pak
rreshta, sepse atë përballoj, si dhe me ison dhe me të tjera:
- Ju?
- Vasilika: Unë jam marrëse, si edhe motra ime.
- Në Greqi çfarë pune bëni?
- Vojsava: Unë nuk punoj.
- Vasilika: Unë punoj nëpër shtëpia, ndihmëse shtëpiake,
siç i thonë.
- Sa fëmijë keni?
- Vojsava: Kam dy djem. Këtu do të flas pak se nga ajo që
e kemi shumë qejf këngën pas kam edhe djalin e vogël, Alfred
Hysenaj. E kam bërë pjesëtar të grupit. Është 20 vjeç dhe nuk
erdhi këtu, se nuk kishte dokumente. Ai është hedhësi i grupit.
- Po ju?
- Vasilika: Unë kam tre vajza. E madhja studion për
ekonomi, e dyta mbaroi liceun, kurse e treta vazhdon shkollën.
- Lidhen me këngën vajzat?
- Vasilika: Kanë dëshirë, dëgjojnë... Në shtëpi këndojnë.
Na kanë shoqëruar në grupe. Vajza ime është prezantuesja e
grupit polifonik, e cila në veshjen e saj ka flamurin shqiptar.
Edhe ajo donte të vinte në Shqipëri por...
- Si e ndjetë veten në Lushnjë, në këtë veprimtari të bukur?
- Vojsava: Si në Shqipëri. Si në vendin tim. Që më bukur
nuk ka më ku të vejë. Me njerëz shumë të afruar, shumë të
respektueshëm. Tamam në Lushnjë, njerëz të butë.
- Vasilika: Nderin në Lushnjë e kemi ndjerë që në
emigracion, sepse lushnjarët na kanë pranuar në gjirin e tyre,
na kanë mirëpritur me këngët tona, pavarësisht se ato nuk
janë të krahinës së Lushnjës, por të jugut. Ne jemi pritur me
përzemërsi nga emigrantët lushnjarë. Dje në Lushnjë u ndjemë
dy herë të gëzuar, sepse Lushnja është një vend tamam historik,
siç e thotë edhe rapsodi jonë ku është bërë Kongresi i Lushnjës.
Populli i Lushnjës mbrëmë na ka pritur me duartrokitjet më të
përzemërta dhe jemi shumë të kënaqur.
- Jeni dy motra. Cili është mbiemri juaj i vajzërisë?
63