Njerëz që i dua - Gazeta Kritika

vemendje dhe e shikon se si gajaset së qeshuri nga shprehjet
anglisht të personazheve të filmit.
Më tej ai më tregon se si punon ai dhe e shoqja, e cila
greqishten e ka gjuhë të nënës për t’i mësuar atij gjuhët e botës.
Jovani flet me nipin shqip. Lefteria flet me nipin greqisht.
Mimoza dhe Mitati i flasin shqip. Nipi u përgjigjet atyre në
moment herë në shqip e herë në greqisht…Mario që ende nuk
i ka mbushur pesë vjeç, komunikon me njerëzit në tre gjuhë…
Tek gjerbnim kafen në ballkon e Marioja herë futej brenda
e na mbyllte derën duke qeshur, e herë dilte e i ulej gjyshit në
prehër, biseda ra për fëmijët dhe gjuhën e nënës, për shqipen e
bukur dhe shqiptarët prindër e gjyshër, që nuk duan të flasin
shqip me fëmijët e jo më t’u mësojnë atyre shkrim e këndim.
Në gazetat shqip që dalin në Greqi, në çdo numër të tyre gjen
dy e më shumë lajmërime nëpërmjet të cilëve shoqata të
ndryshme në Athinë, Selanik, Volos e vende të tjera ftojnë
prindërit që t’i sjellin fëmijët e tyre të mësojnë falas të shkruajnë
e lexojnë shqip. Meraku i drejtuesve të këtyre shkollave është
se me gjithë masat e gjithanshme organizative, përsëri
frekuentimi i këtyre mësonjtoreve është tepër i ulët.
Jovani më foli për një bisedë telefonike që kishte pasur me
një çift shqiptar, njerëz me arsim universitar dhe për
“shqetësimin” se dy fëmijët e tyre, njeri 10 e tjetri 12 vjeç, nuk
dinin të flisnin shqip. Ata, me dy fëmijët e tyre, në shtëpi e në
mjedise të tjera nuk flisnin kurrë shqip. E si mundet që dy njerëz
të formuar nga ana arsimore, njerëz që gjuha e nënës dhe e
babait denbabaden është gjuha shqipe, njerëz për të cilët
prindërit kishin sakrifikuar për t’u dhënë arsim të plotë
universitar, të mos flasin me fëmijët e tyre shqip, të mos u
mësojnë atyre gjuhën e nënës dhe babait?
Mjerisht, në jetën e përditshme raste të tilla takojmë jo
rrallë. Fatmirësisht, shembuj si ai i një mikut tim që ka më se
dyzet vjet që jeton në Greqi, që është martuar me një greke, që
ka dy fëmijë me arsim universitar, me të cilët flet në familje e
në mjedise publike me ta vetëm shqip, shembuj si ai i djalit të
153