Njerëz që i dua - Gazeta Kritika

Kjo ndodhi kur u tha se “çështja Vuvaqi” ishte pezulluar,
sepse ai në kërkesë-padinë e tij nuk kishte dorëzuar as
dokumentet origjinale dhe as fotokopjet e noterizuara. Unë i
ziu, për një gjë të vogël, për një AFM ( numër amze) për gruan
hëngra dynjanë. Në zyrat e financës më kërkuan çertifikatën e
martesës në mënyrë që të vërtetojnë se mbiemri i gruas ishte ai
që deklaroja unë dhe jo tjetër. Për këtë, mua fakirit, pas dyzet
vjet martese, m’u desh të lëviz vetëm dollapet e arkivit të qarkut
(por edhe ato të xhepit), derisa u gjetën të dhënat përkatëse, të
dhëna të cilat u regjistruan në një “Certifikatë-martese”, e cila
kishte vlerat e informimit në pesë gjuhë të botës, ndër të cilat
edhe në greqisht. Këtë çertifikatë në zyrat e eforisë (financës)
greke nuk ma pranuan pa e vërtetuar në ambasadë, përkthyer
në greqisht (me germa të alfabetit grek) dhe pa e noterizuar.
Unë fakiri (dhe ne të gjithë fakirët) nuk bëzajmë për këso
gjërash. Na thonë vulose në ambasadë. Lepe e peqe! Na thonë
përktheje. Urdhëro e si urdhëro! Na thonë paguaj. Ne e malista!
Nuk na ka shkuar ndonjëherë mendja të ngremë ndonjë padi
e afër mendsh të ngjitemi deri atje sa të dëshmojmë në një
komision parlamentar grek për gjëra jo të tilla me një banalitet
të skajshëm, por edhe për gjëra kardinale që kanë të bëjnë me
jetën tonë. Ç’është e vërteta edhe parlamenti grek nuk ka ra
aq poshtë sa të merret me një “durimvogël” që derdh pa teklif
qumështin e vet.
Grafllova edhe disa herë të tjera, por më nuk kisha se çfarë
të derdh, sepse edhe bakri e kishte nxjerrë tërë helmin e vet.
Vuvaqi atë ditë u ngrit e doli nga salla i falenderuar nga
kryetari i komisionit hetimor për mundimin dhe sakrificën që
kishte bërë për të ardhur e dëshmuar para tyre. Falenderimin
e mori edhe pse ai arriti deri atje sa t’i thotë një deputeti se
pyetja juaj është idiote, thënie e cila u tha pa asnjë lloj redaktimi,
drejtpërdrejt në sistemin satelitor, në të gjithë botën, greqisht e
përkthyer në shqip…
Grafllova përsëri dhe në pamundësi të qaja, zura të qesh
me të madhe, aq sa gruaja kujtoi se luajta nga fiqiri. Në fakt,
214