Njerëz që i dua - Gazeta Kritika

AJO QË U MUNGON ËSHTË LUSHNJA...
Bisedë me Albert Sanxhakun, kryetar i Bashkisë së Lushnjës
Ai erdhi nga Lushnja. Ishte një ftesë e bashkëqytetarëve
që e donin të ishte midis tyre në “Pranverën lushnjare”, një
festë që tashmë është bërë e përvitshme, një festë në të cilën vit
për vit do të takosh të vijnë drejtues të pushtetit lokal në bashki
e komuna, pa dallime partiake. Në veprimtaritë e shumta që u
zhvilluan, veprimtari që pasqyrohen në një kronikë të veçantë,
nën hijen e një ekualipti të madh, e “zura” dhe zhvillova me
të një bisedë...
- Keni ardhur posaçërisht nga Lushnja për të parë Lushnjën
tjetër këtu në Athinë?
- Ata që na mungojnë në Lushnje janë këtu të gjithë.
- Ju mungojnë shumë?
- Jashtëzakonisht shumë.
- Në cilin drejtim?
- Është pjesa që është larguar për arsye ekonomike, që
normalisht ne e presim që të kthehen prapë.
- Si e ndjeni veten këtu në “Lushnjën e vogël”?
- Si lushnjar i vërtetë. Shumë shokë e miq të mi që nuk i
kisha takuar prej vitesh i gjeta këtu dhe i takova. Jam shumë i
kënaqur. Shikoj që edhe ata janë të mobilizuar e të kënaqur që
bashkohen bashkë, takohen familjarisht, miqësisht.
- Çfarë mesazhi sollët nga Lushnja?
251