Njerëz që i dua - Gazeta Kritika

nuk është një akt krijimtarie dhe kulture, por është edhe një
misionare, është edhe një përcjellëse e historisë. Ne evidentuam
një fakt të tillë këtë radhë, por e veçanta është se ajo që na dha
më tepër kënaqësi është mikpritja, angazhimi i njerëzve. Ishte
një bum atdhetarizmi si nga pjesëtarët e grupit, po ashtu edhe
nga të angazhuarit me këtë punë. Në mënyrë të veçantë do të
gjej rastin të falënderoj dy shokët tanë emigrantë lushnjarë, të
angazhuar me shoqatat, për zotin Jovan Mëhilli dhe Mihal
Jano. Bile Mihal Janoja ishte një ndër sponsorizuesit kryesorë
si nga Greqia, po ashtu edhe këtu në Lushnjë, ku na pritën
njerëzit e tij. Në një mjedis kaq miqësor dhe kaq dashamirës
kënaqësia nuk mund të përshkruhet. Këtë e plotësuan edhe
anëtarët e grupit të cilët demonstruan profesionalizëm.
Jovan Mëhilli, drejtues i grupit:
“Shpreh kënaqësinë time që komuniteti i emigrantëve
shqiptarë në Greqi u përfaqësua në një festival kombëtar. Ajo
që më gëzon është se ky festival organizohet në qytetin tim ku
unë kam lindur, jam rritur, kam dhënë mundin dhe djersën
dhe nuk e kam harruar dhe nuk e harroj asnjëherë. Më bëhet
qejfi që qyteti im i lindjes pagëzohet me emrin Qyteti i Festivalit
të Valles Tipologjike. Kënaqësia më e madhe është se takova
miq dhe shokë. Gjej rastin të falënderoj kryetarin e bashkisë z.
Albert Sanxhaku, i cili, nëpërmjet ftesës, na dha mundësinë të
vijmë, duke na premtuar se komuniteti shqiptar në Greqi do të
jetë i pranishëm edhe vitet pasardhëse. I faleminderit edhe
gazetës EMIGRANTI, që e ndjek jetën shpirtërore, kulturore,
artistike të emigrantëve jo vetëm atyre qosheve të Omonies,
por edhe në atdheun tonë, në Shqipëri.
Falënderoj mikun tim emigrant Kastriot Lekdushi për
punën shumë cilësore që ka bërë për arritjen e suksesit me
grupin polifonik lab. Ajo që më gëzoi më shumë është
shtrëngimi i duarve dhe thirrjet e qytetarëve që thërrisnin
“bravo, bravo, emigrantëve! “E madhe ishte ajo që na thanë:
“Ju lumtë juve që bëni më shumë se ne këtu në vendin tonë”!
323