Njerëz që i dua - Gazeta Kritika

MIKPRITJE LUSHNJARE
Alfred Dhamo, drejtor i arsimit, kulturës e sportit në
Bashkinë e Lushnjës ishte i pari zyrtar me të cilin pimë kafen e
mirëseardhjes dhe morëm përgjigje profesionale për atë që
kishim ardhur dhe do të bënim. Muzikant, njeri me horizont
dhe kulturë ai, në pak minuta bisedë shuajti kërshërinë tonë...
...Kjo e nisi bisedën ai, është një veprimtari kombëtare, e
veçantë në llojin e vet, sepse është një veprimtari kombëtare
folklorike tipologjike e valles popullore. Në llojin e vet është e
veçantë jo vetëm në Shqipëri, por edhe në Ballkan, sepse ka të
bëjë me të gjitha vallet burimore, të pakoreografuara, të
paartistikuara, thjesht, ashtu siç vijnë nga kohët. Hapësira e
veprimtarisë është gjithë Shqipëria, ka të ftuar nga Leçe e Italisë,
të ftuar specialë nga Athina, grup përshëndetës si dhe grupe
nga Mali i Zi, nga Kosova, Maqedonia. Mbase vitin që vjen ne
do të kemi një mundësi tjetër, sepse nuk është se e organizon
Lushnja. Lushnja është vendi organizator, e cila e ka marrë
me status nga Qendra Kombëtare e Veprimtarive Folklorike,
d.m.th. nga Ministria e Turizmit, Kulturës, Rinisë dhe Sporteve
dhe me zhvillimin e këtij edicioni të dytë ne marrim statusin e
një aktiviteti kombëtar, mbase mbarëkombëtar ose ballkanik
tradicional, që do të zhvillohet në qytetin e Lushnjës, mbase
me përformanca më të dukshme dhe më të mëdha sesa Festivali
Folklorik i Gjirokastrës. Veprimtaria e Lushnjës është vetëm
valle burimore tipologjike.
Festivali vazhdon tri net e tri ditë rresht...
NJË FTESË NË ZYRËN E KRYEBASHKIAKUT
Alfred Sanxhaku, kryetari i Bashkisë së Lushnjës, atë ditë
ishte më i ngarkuari në punë. Dhe ndër të tjera i duhej edhe të
priste e përcillte shumë njerëz. I miqësuar me ne dhe me grupin
folklorik lab që në takimin e 6 majit në festën tradicionale të
lushnjarëve në emigracion, ai do të gjente kohë që të na priste
319