Njerëz që i dua - Gazeta Kritika

tyre, janë inkluduar në shoqërinë greke, kanë kuptuar se
adaptimi në këtë shoqëri nuk është thjesht adaptim në shoqërinë
greke, por është adaptim në shoqërinë evropiane. Lëvizja e
lirë do të bëhet si lëvizja me diferencën e presioneve. Një pjesë
e jona do të vejë në Shqipëri, një pjesë do të mbetet në Itali e
vende të tjera dhe gjithësecili do të marrë me vete në mënyrë
të pashmangshme kulturën nga ka ardhur. Kështu do të
këmbehen kulturat. Ambasadorë më të mirë ne nuk mund të
gjejmë. Evidentimi i këtyre elementëve pozitivë që kanë filluar
të shfaqen, evidentimi i individëve të cilët janë duke bërë të
tilla aktivitete që kërkojnë nivele të larta të teknikës, teknologjisë,
shkencës etj., në të gjitha fushat, është nevojë e kohës. Sot janë
fëmijët tanë krenarë për hapat që kemi hedhur ne, që kemi
arritur jo vetëm të integrohemi, por të bëjmë përpara. Avash -
avash do të jemi ne krenarë për fëmijët tanë, të cilët studiojnë
e shumë fëmijë janë të shkëlqyer në shkollat e këtushme. Mirë
është që të evidentohet se sa fëmijë shqiptarë janë në shkollat
këtu dhe sa kanë vajtur në universitet. Ka ardhur koha që të
paraqesim dinjitetin tonë, njerëzit tonë të kohës evropiane.
Në qoftë se në emigracionet e mëparshme shkonin vetëm
burrat, shqiptarët kanë shkuar në emigracion bashkë me gratë
e fëmijët, duke i dhënë një kuptim tjetër emigrimit. Kemi shkuar
me njerëz me arsim të mesëm dhe arsim të lartë. Një pjesë
kanë marrë edhe fëmijët me arsim të lartë, pavarësisht se në
fillim u është dashur të punojnë në punë që nuk përkojnë me
profesionin e me nivelin e tyre arsimor. Gradualisht, gjithësecili
ka gjetur vendin dhe vetveten. Kjo sot duhet të evidentohet,
kjo duhet të dalë në vend të parë, kjo duhet të dalë në pah
edhe në mass-mediat. Fatkeqësisht, masmediat shqiptare i
qëndrojnë larg kësaj të vërtete të madhe që na nderon të gjithëve
e na nxjerr para botës krenarë.
- Faleminderit. Me siguri do të takohemi përsëri, si shqiptari
me shqiptarin, jo si mjeku me pacientin.
- Nderi është i imi.
286