Njerëz që i dua - Gazeta Kritika

e provojnë edhe emigrantët e rinj...
Në mbrëmje shkelëm nëpër kalldrëmet e gurta dhe zumë
një tavolinë në restorantin “Kristina dhe Manoli”. Malli i
Marias, para mallit të Tritanit që i kishte apo jo të
shtatëmbëdhjetë pranverat, ishte si deti përballë oqeanit.
Dritani punonte këtu prej katër vjetësh. Punonte së bashku
me të vëllanë. Nuk e kishte parë fshatin e lindjes diku në fushë
të Korçës që kur kishte ardhur. Nuk i kishte parë babën e nënën
prej vitesh. Më ka qëlluar ta përjetojë vet mallin e një fëmije
katërmbëdhjetë vjeç, kur erdha me të në korrik të ’96-ës...
Sytë e Tritanit, kur mësoi se ishim shqiptarë, kur i folëm
gjuhën e nënës se tij, shkëlqyen me një reflektim dëbore në një
ditë me diell mbi malin e Moravë. E keni provuar ndonjëherë
reflektimin e dëborës në një ditë të kthjellët janari me diellin në
zenit? Po ta keni provuar më jepni të drejtë në ndjenjën time
të atij çasti. Ishte e para herë që në lokalin ku shërbente si
ndihmës kamarier uleshin “turistë shqiptarë”. Shkoi me të
shpejtë dhe i tha të zonjës së restorantit, Kristinës, se kishin
ardhur një gazetar shqiptar me të shoqen. I tha me krenarinë
e një fëmije që do t’i prezantojë dikujt babain e nënën. Sa herë
e kujtoj atë detaj të jetës sime në emigracion, një drithërimë
më përshkon shpirtin, një mall shqiptar ma mbush e ma
shpërthen gjoksin...
Mëngjesi është i bukur në Hydra, sidomos kur e kundron
ne perëndim të “patkoit”, kur syrin ta mbërthen si me karficë
kaltërsia e në veçanti taksitë e detit që marrin e përcjellin
pasagjerë nga njëri gji në gjirin tjetër. Taksitë janë varka të
vogla me motor që hidhen mbi kaltërsinë e ujit si silurë detare,
duke lënë prapa një vije gjarpëruese, bardhësia e së cilës
shkrihet dalëngadalë në kaltërsi...
Në sheshin e ishullit, atje ku ankorohen anijet e
udhëtarëve, “Art Kafe” është një lokal që ruan vlerat e të gjitha
lokaleve “të vjetra” të ishullit. Shqiptarët janë klientët më të
rregullt të tij. Në pritje që dikush t’i ftojë në punë ata ndonjë
mëngjes gjerbin kafenë e nxehtë apo frapenë e ftohtë...
301