Njerëz që i dua - Gazeta Kritika

MARIO I VOGËL, GJYSH JOVANI DHE …
“Fëmijët tuej nuk e mësojnë gluhën e mëmës, nuk kanë disirë të
këthenenë në Skipëri, do bënenë grekër si na…”
(Brenga dhe këshilla e një arvanitasi)
Mario ka katër vjet të plota jetë dhe ka hyrë në të pestin.
Ka një mënyrë origjinale për të prezantuar moshën. Katër vjetët
t’i thotë me gojë, shqip. Për pjesën e ditëve dhe muajve mbi
katrën nuk e ka gjetur ende shprehjen me gojë, por ka gjetur
atë me shenja. Në fillim të tregon katër gishtat e dorës e më
pas pesë…
Është, ndoshta, shqiptaro-amerikani më i ri në Athinë.
Babai dhe nëna e tij, Lorenci e Nevina, javën e kaluar ishin
pjesë e ceremonisë dhe e kokteit që u organizua në bashkinë e
Detroitit me rastin e shpërndarjes së dokumenteve të qytetarit
amerikan për të huajt.
…Disa muaj më parë gjysh Jovani fluturoi mbi Atlantik
dhe u ul në aeroportin e madh amerikan. Shkonte të takonte
djalin dhe nusen, që disa vite më parë kishin aplikuar me
llotarinë amerikane dhe ishin futur në procesin e legalizimit të
plotë dhe e marrjes të të drejtës së banorit të shtetit më me
prestigj në botë. Në aeroport u befasua nga një zë fëmije, një
zë që i erdhi si një këngë, si një melodi e njohur e vendlindjes.
“Gjysh Jovani!” - kishte thirrur fëmija dhe i ishte hedhur në
qafë. Ata nuk e kishin parë kurrë njëri-tjetrin, përveç nëpërmjet
151