Njerëz që i dua - Gazeta Kritika

- Çfarë gjuhësh dini?
- Di anglisht, frëngjisht, italisht, për turizmin spanjisht,
greqisht dhe shqip. Në fillim pronari më mori për punët e
jashtme. Si “stazh” njohje punova një muaj në zyrë dhe pas
pesë muajve më bëri përgjegjës të zyrës. Nga viti 1993 deri në
vitin 2001 kam punuar në Sintagma, në zyrën turistike “24
Orë” dhe duke filluar nga nëntori i vitit 2001 kemi hapur zyrën
tonë turistike “ILIRIA Travel”, e cila është zyra e parë turistike
shqiptare që e kam hapur në bashkëpunim me mikun tim
doktorin Vasil Llajo, ku punojmë unë, gruaja ime dhe gruaja e
Vasilit. Misioni ynë është të ndihmojmë sa më shumë
bashkëpatriotët tanë që punojnë e jetojnë në Greqi.
- Gruaja juaj çfarë niveli intelektual ka?
- Gruaja ka mbaruar për histori dhe gjuhë spanjolle. Flet
spanjisht, italisht, greqisht edhe shqip. Gruaja e doktorit flet
anglisht, kupton frëngjisht dhe flet sigurisht edhe greqisht e
shqip. Kemi krijuar një grup, me dëshirën dhe dashurinë për
punë, për t’u shërbyer klientëve tanë në mënyrë shembullore,
në mënyrë patriotike dhe kuptohet edhe në mënyrë sa më
ekonomike.
- Në zyrën tuaj shoh tre flamuj të vegjël shqiptarë, një hartë të
botës, një pamje nga Australia…
- Në zyrën time ka panorama nga e gjithë bota, përveçse
nga Shqipëria që mbulon. Dy herë kam shkuar në Ministrinë e
Turizmit në Shqipëri dhe kam marrë përgjigje se nuk ka pamje.
Shumë herë, edhe me ndihmën e ambasadorit, jam përpjekur
që të gjej ndonjë pamje nga Shqipëria, por për momentin kemi
mbetur vetëm tek dëshira. Kam flamujt shqiptarë mbi çdo
tavolinë pune dhe në sfond, por pamjet nga Shqipëria
mungojnë. Kemi nga Australia, nga Italia, Dubai… po jo nga
Shqipëria.
- Kohët e fundit janë bërë disa promovime të turizmit shqiptar
në Prishtinë dhe Shkup…
- Është shumë e vështirë për momentin të gjesh materiale
për turizmin në Shqipëri. Nuk ka një libër të plotë. Nuk ka një
258