Njerëz që i dua - Gazeta Kritika

Fakti që në Greqi ka një numër të madh emigrantësh pa
dokumente, faktet se shteti grek vazhdon t’i trajtojë emigrantët
si peng, si skllevër të punës së zezë, t’i rrahë, t’i torturojë (kujto
skandalin e publikuar pak ditë më parë), t’u grisë pasaportat,
t’i urrejë dhe t’i vrasë, duhet të kishte tërhequr me kohë
vëmendjen e shtetit dhe pushtetit në Shqipëri.
Fakti që Shqipëria edhe pas shtatëmbëdhjetë vjetësh i
përcjell djemtë dhe burrat e saj me qefin në kokë deteve dhe
maleve dhe rrjedha e gjakut të ri shqiptar formon lumë, duhet
të kishte shqetësuar si të majtën, po ashtu edhe të djathtën
shqiptare në ngjitjet dhe zbritjet në karriget e shtetit dhe të
pushtetit.
Ministria e Jashtme e Shqipërisë, me zë të ulët, lutës, lypës,
më në fund e tha një fjalë. E tha nëpër dhëmbë, nuk e dëgjoi
kush, nuk e dëgjoi as ajo vetë.
Deri kur shqiptarët do të jenë peng të një shteti, të shtetit
të vet pa sy, pa veshë e pa zë ?
Deri kur shqiptarët do ta kërkojnë bukën thatë në vende
të tjerë nën shënjestra pushkësh të vendeve të tjerë?
104