Njerëz që i dua - Gazeta Kritika

operacionin, do të shkoj të ndjek punimet e një kongresi që
zhvillohet në Greqi. Po ashtu, një burim tjetër përvoje është
edhe kontakti me specialistët e vendeve me të përparuara.
- Në Shqipëri ka klinika private, por nuk kam dëgjuar të ketë
spitale private, pse?
- Me sa di unë edhe ana ligjore ishte e mangët, nuk lejonte,
por kam dëgjuar se u rregullua para disa kohësh. Por spitalin
nuk e hapin mjekët, e hapin sipërmarrësit, biznesmenët.
Mendojnë të hapin, por akoma ngurojnë, sepse do një përvojë
të caktuar dhe nuk është gjë e lehtë. Mendoj se fitimi në mjekësi
është i kënaqshëm, është një fushë në të cilën sektori privat do
të ecë shumë mirë.
- Në Greqi 83 për qind e aktivitetit kardiokirurgjikal
zhvillohet në sektorin privat. Ky numër është domethënës.
- Çfarë porosie do t’u jepje lexuesve të EMIGRANTI-t?
- Të kenë suksese në punë. Shqiptarët e kanë ndryshuar
totalisht idenë dhe mendimin e grekëve për ta. Në shumë fusha
kanë përparuar, janë fuqizuar shumë nga ana ekonomike. Nuk
është më emigranti që kërkonte një punë dosido dhe jetonte në
nivele të ulëta strehimi e jetese. Shqiptarin sot e gjen të jetojë
në të gjithë Athinën, edhe në lagjet më të pasura e të shtrenjta
të kryeqytetit grek, janë të sukseshëm në shumë fusha. Do t’u
jepja një këshillë: Problemet në emigrim fatkeqsisht maten me
pesëvjeçarë. Të kenë pak durim. Nuk mund të emigrosh në një
vend dhe pas dy-tre vjetësh t’i kesh të gjitha.
- Faleminderit.
- Nderi është imi.
241