Njerëz që i dua - Gazeta Kritika

t’u jepte profesione. Por shkëputja asokohe ishte e vështirë.
Kjo, në sajë të rregullave, ku për çdo lëvizje duhej marrë leje
nga kooperativa, por edhe për shkak të një mentaliteti të moçëm
që lidhej me rrënjët në tokën stërgjyshore. Kështu ndodhi ikja,
si shkulje rrënjësh, ikja nga malet për të bërë rrënjë në vende
më të ulëta e më të pasura…
Ksenofoni e lidhi jetën me një vajzë zagorite. Në Laç
pasaportizimin ia bënë menjëherë. Bëhej lehtë atëherë
pasaportizimi në fshatin që po bëhej qytet. Bëhej për specialistë
të ndërtimit dhe të montimit, për njerëz që kimia e jetës ishte si
një reaksion i dyanshëm.
…Mori shtëpi menjëherë. Mori edhe prindërit me vëllezërit,
motrat-fëmijë në rritje. Ata morën malit të lartë të shkollimit
dhe u ngjitën majave të thepisura të tij, duke u bërë specialistë
e inxhinierë të fushave të ndryshme të punës e të jetës.
Atje, në Laç, Ksenofoni lindi e rriti fëmijë, po aq djem dhe
vajza sa kishte lindur e rritur nëna dhe babai i tij…
Tek bisedojmë në bulevardin Panepistimiu me të, harta e
kujtimeve të tij zgjerohet e zgjerohet. Veçanërisht, ajo merr
ngjyra të thella nostalgjike kur takojmë në emra të njohur
njerëzish që janë apo nuk janë gjallë. Rrënjët e jetës së tij në
Laç janë shumë të thella e shumë të degëzuara…
…Ndërruan kohët. Atij iu desh ta lërë uzinën e
superfosfatit, tashmë kombinat kimiko-metalurgjik, ta lejë atë
pjesë të jetës së tij që e kishte ngritë me duart e tij, që ia njihte
tërë sekretet…
…Në Laç mbeti vetëm e motra, Arikloja me të dhoqin Fore
Çoka. Atje është edhe sot e kësaj dite. Fëmijët i janë rritur;
Arjani është bërë inxhinier elektrik, vajza është në Athinë,
kurse djali i vogël është shofer. Laçi mund të quhet qytet i
harruar. Nuk ka më as kombinat kimiko-metalurgjik, as park
të madh mallrash, as kombinat druri, as kombinat ushqimor,
as…
Vëllai i dytë, Kiçoja është shkulur rrënjësh dhe “bjellur”
në truallin grek, me të tre fëmijët.
31