Njerëz që i dua - Gazeta Kritika

dhe teknologjitë e kohës, kompjuteri, aparaturat elektronike etj.
Një mjek i vjetër shqiptar ka sy edhe veshë për të diktuar
sëmundjet, shqisa që janë zhvilluar nga mungesa e shqisave
teknike, ndërsa një mjek këtu përdor më tepër mjetet teknike…
Ne mjekët shqiptarë që erdhëm këtu, arritëm të kryqëzonim
njohuritë tona me mungesën e mjeteve që kishim aty me
ekzistencën e mjeteve këtu. Ky lloj kryqëzimi, ky hibrid doli më
i mirë se sa ishim ne vetë aty. Ne arritëm të kombinonim të dy
këta faktorë, edhe aparaturat moderne, dhe njohuritë që kishim
nga shkolla dhe nga përvoja e punës. Një mjek shqiptar, me
dijet dhe përvojën që ka, hyn shumë shpejt në tregun mjekësor
të kohës, hyn me një siguri të plotë kudo, në Greqi, Itali Gjermani,
Francë, Amerikë, kudo. Fakti ka treguar që shumë mjekë që janë
larguar nga Shqipëria dhe kanë vajtur në Perëndim kanë treguar
nivel shumë të lartë dhe janë kolegë të nderuar midis mjekëve
në klinika të nivelit primar me kardiokirurgji, me neurokirurgji,
me angioplastika etj. Ata janë atashuar aty fare mirë.
- A ua kanë kërkuar këtu diplomën ose si i thonë lejen për
ushtrimin e profesionit?
- Unë kam barazuar diplomën shqiptare me diplomat
evropiane në vitin 1991, pa pasë synimin që të vija ndonjëherë
në Greqi. Mendova që meqenëse Shqipëria u hap, duhet të
hapeshim edhe ne, të barazohesh diploma jonë me diplomën
e Evropës. Mund ta barazonim nëpërmjet shoqatës së
anenstezistëve të Evropës ose me ndonjë shoqatë të
anestezistëve të një shteti ku ne mund të shkonim. Unë e bëra
në Greqi. E mbrojta në institucionin shtetëror që quhet
DHIKACA, i cili bën njohjen e diplomave nëpërmjet dhënies
së provimeve. Unë dhashë atëherë pathologji dhe kirurgji. Pas
dhënies së provimit të mjekësisë së përgjithshme që barazohet
kjo me diplomën e mjekut të përgjithshëm, dhashë provimet
për marrjen e diplomës së anestezistit, për njohjen e specialitetit
tim. Provimi ishte shumë i vështirë. Megjithatë, unë isha nga
ata që e morën provimin me herë të parë. Në Greqi jepet nga
dy, tre e katër herë, deri sa ta marrësh. Është provim i vështirë
283