Njerëz që i dua - Gazeta Kritika

madhe gjigante. Ne vumë një llampë që ndriçoi Shqipërinë.
- Sa ndejtët në Tiranë?
- Lash Greqinë, lashë spitalin ku punoja, lashë Athinën dhe
shkova në Shqipëri, në Tiranë. Ndejta atje dy vjet, në vitet 1995-
1997. Punova në neurokirurgji si shef i anestezi-reanimacionit
dhe ndërkohë paralel punoja edhe në klinikën mjekësore që
quhet “Intermedica” ku ështe instaluar skaneri. Më pas
realizuam një bashkëpunim me francezët për të bërë mbulimin
e të huajve permanentë në Shqipëri, si ata të ambasadave, të
kërkimeve të naftës etj. Me një ekip tjetër grekësh hapëm një
laborator me eko dhe endoskopira. Ky aktivitet vazhdoi deri në
vitin 1997. Me ngjarjet e asaj kohe unë u riktheva në Greqi me
gjithë familjen, u riktheva në KAT si anestezist, por nuk prisha
aktivitetin që kisha në Tiranë. Vazhdova këtë aktivitet, të cilin
akoma sot e kam. Vete e vij herë pas here, aq sa unë e gjykoj të
arsyeshme prezencën time atje.
- Ku është kjo qendër ?
- Është afër Fakultetit të Shkencave të Natyrës. Midis
maternitetit të vjetër dhe trenit është ngritur një pallat, në katin
e dytë të të cilit kam blerë rreth katërqind metra katrorë
ambiente. Këtu është instaluar qendra diagnostikuese që quhet
“Intermedica”. Aty sot është një laborator i pajisur me të tëra
aparaturat për kryerjen e analizave. Çfarë analizash bëhen në
botë sot, nisin aty. Kuptohet, aty bëjmë aq sa mund të bëhen,
një pjesë të analizave, ata që janë tepër specifike, që kanë të
bëjnë me ADN-në dhe me biopsinë molekulare, në
bashkëpunim me Universitetin e Athinës, i bëjmë këtu.
- Ju keni një diplomë mjeku të Universitetit të Tiranës. Si e
ndjen veten një mjek i UT në institucionet mjekësore të Greqisë?
- E ndjen si kolegu mes kolegëve. Diploma e Universitetit të
Tiranës, në vitet që ne mbaruam, mund të them se ishte një
diplomë e barabartë me të tjerat nga niveli i përgatitjes sonë
krahasuar me nivelin e vendeve të tjera perendimore. Flas për
atë kohë, sepse sot nuk e di si mund të jetë niveli i studentëve,
mund të jetë edhe më i mirë, sepse sot kanë hyrë edhe teknikat
282