Njerëz që i dua - Gazeta Kritika

menjëherë ahengjet. Nuset dilnin nga dera e prindërve gjatë
gjithë ditëve të javës; të dielën, të hënën, të martën, të
mërkurën…
Jashtë këtyre afateve, jashtë pashkës, krishtlindjeve dhe
lejeve të posaçme të gushtit, deri tani të ardhura me lutje
speciale (lexo përkulore) të ndonjë ministri, diplomati, apo
titullari të lartë (përfshirë edhe kryeministrin) në drejtim të
autoriteteve policore greke… je i ndaluar. Kjo fjalë, pra i
ndaluar, e përkthyer nga gjuha juridike në gjuhën popullore,
do të thotë as më pak e as më shumë i burgosur. Veveosi, kësisoj
nuk është gjë tjetër, veçse një vërtetim burgimi. Dhe leja që na
jepet 2 – 3 herë në vit nuk është gjë tjetër veçse liridalje nga
burgu, liridalje që e marrin në raste festash, por edhe në raste
gëzimesh apo hidhërimesh familjare të gjithë të burgosurit që
kanë sjellje të mira…
E parë hollë-hollë, të burgosurit kanë privilegje më të
mëdha se emigrantët në Greqi. Marrin leje të posaçme disa
ditore edhe në raste fatkeqësish familjare. E mbani mend këtu
e dhjetë vjet të shkuara? Fatos Nanos, kur i vdiq e ëma, iu dha
leje e posaçme nga Berisha, megjithëse ai konsiderohej personi
më i rrezikshëm për regjimin dhe ruhej në një burg të sigurisë
absolute, siç ishte ai i Tepelenës.
Për të arratisurin nga burgu nuk ka masë të re dënimi…
Për të arratisurin nga emigracioni ka masë dënimi.
Këtë deri në janar të vitit 2005 nuk e dinim. Tani po. Të
gjithë ata që ishin larguar nga Greqia para datës 15 dhjetor
2004 u dënuan.
Masa e parë e dënimit ishte “kthim i menjëhershëm në
Shqipëri”. Askush nuk mori leje hyrjeje.
Pas bujës, do të thonim ndërkombëtare, masa e ndëshkimit
me “ndalim hyrjeje“ u zëvendësua me “paraqitje para
ambasadës për vizë“. E parë trashë-trashë, kjo përbën një
lëshim, “një dhënie të re rasti“, siç thuhet rëndom në raste kur
përgatitet të dalë ndonj ligj apo urdheresë e re. E parë trashë –
hollë, kjo përbën një ndëshkim të ri, një gjykim që si dënim ka
217