Njerëz që i dua - Gazeta Kritika

Nga një janari i këtij viti ajo nuk është më vetëm
administratore e firmës së madhe të transportit të udhëtarëve
“Balkania Lines“, por është edhe administratore e “Albanian
Interlines“. E takon sa në Athinë, po aq sa edhe në Tiranë.
Para disa ditëve ajo organizonte nisjen e 10 – 12 autobusëve
në ditë nga Athina në drejtim të Tiranës e Shkodrës. Tani fluksi
nga Athina ka rënë në 3 – 4 autobusë në ditë, por është rritur
nga Tirana. Emigrantët tani më shumë kërkojnë të vijnë se sa
të shkojnë. Dhe Anës i duhet të “fluturojë“ sa në Tiranë, aq
edhe në Athinë. A nuk është kjo një detaj i gruas – burrë të
kohës sonë?
Por le të kuvendojmë për pak minuta me Diela Ana
Prekën...
* * *
- Në një bisedë do kohë më parë më keni thënë: “Na gratë
shqiptare kena mend dhe me punën tonë mundna me thanë “Jena të
zojat”. Do të desha të di pse thua “Jena të zojat“?
- Derisa arrijmë të jena, jo njilloj si burrat, por shumë herë
edhe ma të forta se burrat. Edhe nga ana e punës, edhe si i
bajmë ballë jetës, edhe me rritë fëmijët, për të gjitha anët, në
çdo drejtim.
- “Dardha bie nën dardhë” - thotë populli dhe “Trandafili
trandafila qet“, - thonë shkodranët. Rrënjët e trëndafilit të jetës suaj
dalin nga një familje e njohur intelektuale shkodrane: babai - Gjovalini
ekonomist, kurse nëna - Rozina, pedagoge e historisë. Çfarë ngjyrash
ka trashëguar nga trëndafili familjar Diela Ana Preka, ekonomiste
me universitet?
- Nga prindit kam përfitue shumë, si nga ana intelektuale,
ashtu edhe nga prejardhja. Kur rritesh në nji familje intelektuale
mëson edhe se si të sillesh me njerëzit. I jam shumë mirënjohëse
nanës edhe babës, i cili nuk jeton ma, për edukatën që më kanë
dhanë, që më kanë rritur shumë mirë.
- Thoni “Jam shkodrane me të tana“...
56