Njerëz që i dua - Gazeta Kritika

çoku u rrëshqet duke e përcjellë emocionin tek të gjithë...
7 Marsi i këtij viti përkon me një përvjetor të plotë, me 120
vjetorin e hapjes së shkollës së parë shqipe, asaj të Korçës. Ka
arsye që të bëhet një bilanc, të udhëtohet në këtë periudhë të
shkurtër të lëvrimit thellë të një gjuhe nga më të vjetrat në
Ballkan, Evropë e gjetkë. Ka arsye që të pranishmit, midis tyre
shumë mësues e mësuese, të emocionohen tek shohin në ekran
fragmente nga filmi “ Udha e shkronjave” dhe “ Mësonjëtorja”.
E vështirë ka qenë rruga e shkronjave shqipe, me shumë
pengesa. E përpjetë ka qenë rruga e arsimimit të shqiptarëve
që nga Shkolla e Parë Shqipe e deri tek Universiteti i Parë
Shqiptar, ai i Tiranës që këtë vit mbush 50 vjet jetë...
8 Marsi është Festa e Gruas dhe e nënave në të gjithë botën.
Ajo ka hyrë në jetën e gruas shqiptare për të mos dalë më kurrë.
Dhe gruaja, dhe nëna, këtë ditë janë të nderuara...
Anthulla Tili, një këngëtare virtuoze, dje në Shqipëri e sot
në emigracion, e nis albumin e këngëve të saj me “Kujtimet e
studentit”, një këngë që ngjall emocione të ata që e jetuan në
notat e para këtë këngë e që e këndonin rrugëve të jetës.
Ndërkohë që ajo këndon në ekranin e bardhë shfaqet “Bashkimi
Rinor e Studentor shqiptar - ju uron gëzuar 7-8 Marsin “, një
urim ky që përbën boshtin e të gjithë takimit.
Në skenë ngjiten fëmijët. Ndonjë edhe i “paftuar” që
kërkon të cicërijë si zog fjalët e poezisë shqipe. Vijnë edhe të
tjerë. Ndonjë edhe harron ndonjë rresht poetik. Salla e ndihmon
me duartrokitje. Ai merr guxim dhe vazhdon. Përsëri harron
diçka dhe përsëri duartrokitje. Të duket sikur je në një mjedis
familjar, në ato çaste kur prindi i mëson fëmijës të vjershërojë
e ku kthimet prapa e udhëtimet përpara janë të natyrshme...
Këndon Durim Zhupani dhe përshëndet sekretari i parë i
Ambasadës Shqiptare, z. Çuka.
Në podium ngjitet Argjiro Thani, mësuese e vjetër që i
kthen të gjithë të pranishmit nga kolltuqet e sallës në ndenjëset
e drunjëta të bangave të mësimit. Salla nuk pipëtin, a thua se
nuk ka njeri brenda. Salla ëndërron me vështrimin prapa në
315