Njerëz që i dua - Gazeta Kritika

NJË DOKTOR SHKENCASH NË ATHINË
As njëqind metra larg qendrës së Athinës, Omonias, në
rrugën Stadhiu 51, në katin përdhes të një ndërtese
karakteristike athinase, ka qendrën e vet ILIRIA TRAVEL, e
para dhe e vetmja qendër e shërbimit turistik për shqiptarët
dhe më gjerë. Një telefofonatë në 0030 210 3223465, një
“Urdhëro”, një përgjigje kurdoherë në shqip, do t’ju ngrohë
zemrën e zgjidhë problemin …
Atje, të shtunën paradite, ndërprerë disa herë nga
telefonatat që vinin edhe nga Australia dhe Brazili, zhvillova
një bisedë me një shkencëtar shqiptar, me një doktor të
shkencave mekanike…
- Kush është Lulëzim Molloholli?
- Kam mbaruar Fakultetin e Inxhinierisë Mekanike në vitin
1981. Kam qenë një ndër nxënësit që kam mbaruar gjimnazin
me mesatare dhjetë. Kërkova të studioj për inxhinieri mekanike
në një kohë që preferencë e kohës ka qenë juridiku, mjekësia,
shkencat politike. Meqenëse mbarova me rezultate shumë të
mira edhe universitetin, më caktuan në Institutin e Studimeve
Mekanike dhe si pedagog në Universitetin e Tiranës, në
Fakultetin e Inxhinierisë Mekanike. Kam mbaruar studimet
pasuniversitare në Francë, ku kam mbrojtur edhe disertacionin.
- Për çfarë teme?
- Për organizimin e industrisë mekanike në bazë të
punimeve në grup.
- Në cilët vite?
256