Njerëz që i dua - Gazeta Kritika

tetë vjeçe dhe djalin, Emiljo Zeqja katër vjeç e gjysëm. Gruaja
është me origjinë korçare, banuese në Laç. Atje jemi takuar,
njohur, dashuruar dhe kemi lidhë jetën bashkë. Gruaja punon
si të gjitha gratë shqiptare, ndihmës shtëpiake.
- Ju erdhët për të marrë pjesë në një veprimtarri kushtuar 600
vjetorit të lindjes së Skënderbeut. Si e përjetuat këtë moment?
- Erdha me ftesë të Jovan Mëhillit, kryetar i Federatës së
Emigrantëve Shqiptarë, që tashmë e kam mik. Më bëhet qejfi
që marr pjesë në një veprimtari që përkujton 600 vjetorin e
lindjes së Heroit tonë Kombëtar Gjergj Kastrioti – Skënderbeu.
Ishte hera e parë që vij si përfaqësues i një shoqate shqiptare.
Nuk e prisja një pritje kaq të ngrohtë. Më pëlqeu organizimi.
Me thanë të drejtën më pëlqeu shumë, m’u ngritën qimet e
kokës përpjetë kur dëgjoja muzikë shqiptare, këngë patriotike
e popullore shqiptare kënduar me pathos nga Liliana Kanina
dhe grupi lab. Liliana, me këngën e saj, më solli në shpirt mallin
për Vaçe Zelën.
- Këtu jemi në një veprimtari, në ditën ndërkombëtare të
emigrantëve ku ka njerëz nga të gjitha kontinentet, nga të gjitha
racat dhe besimet, nga të gjitha moshat. Cila është përshtypja juaj?
- Këtë veprimtari e organizon PASOK-u. Unë si organizatë
shoqërore nuk mbaj asnjë krah politik, por me që m’u dha rasti,
u ftova edhe këtu nga kryetari i Federatës së Emigrantëve
Shqiptarë në Athinë Jovan Mëhilli, erdha dhe po marr pjesë.
Pavarësisht se atë e organizon PASOK-u dhe janë këtu zoti
Papandreu dhe personalitetet e lartë të kësaj partie, unë nuk e
shikoj si një organizim politik. Thjesh erdha të marr pjesë dhe
të prezantoj atë pjesë të shqiptarëve që mbulon shoqata jonë
në një cep të largët të jetës në Greqi, në Kavalla. Pata fatin të
njoh gjëra të reja, të dëgjoj këngë nga të gjitha kontinentet, të
shijoj gjellët e amvisave emigrante nga vende që kanë bijtë dhe
bijat e tyre në Greqi. Të gëzohem bashkë me ta.
- Çfarë mund të thuash për shqiptarët e Kavallës?
- Shqiptarët e Kavallës janë moshë e re. Në përgjithësi nuk
e kanë atë botkuptimin e shqiptarëve të vjetër. Ata u rritën më
269