Njerëz që i dua - Gazeta Kritika

KALI I LEGJENDËS NIS FLUTURIMIN
Meditim
Kur lind një fëmijë, gëzohen të gjithë, luajnë nga vendi
edhe trarët e shtëpisë, siç thonë. Në jetën e njeriut ky është
momenti më i gëzuar, më i dëshiruar. Një vajzë bëhet grua,
bëhet nënë. Një djalë bëhet burrë, bëhet baba...
Vaçe Zela, e madhja, e paarritshmja e këngës së lehtë
shqiptare, kur i lindi vajza, një vit pas “martesës” me festivalin
e parë të këngës në radiotelevizion, doli në skenën e festivalit
të dytë me thirrjen: “O miqtë e mi! Më lindi një fëmijë...”, thirrje
që u bë hymn për nënat, të cilat e këndonin me zë apo në
surdinë sa herë ndjenin vikamën e të porsalindurit...
Në Athinë, në verën e vitit 2006 “lindi një fëmijë”. Babai,
Grigor Jovani, i vuri emrin Pegas. E mori atë nga legjendat po
aq greke, sa edhe shqiptare, nga legjenda e Kalit Fluturues.
Dikush, në një tubim modest njerëzish i bëri vërejtje për emrin.
E kishte fjalën se do të ishte mirë t’i kishte gjetur një emër që të
flasë shqip. Unë nuk jam dakord me të. Cili emër flet më shqip
se sa emri PE – GAS? Pse këtë fjalë nuk e zbërthejmë me
rregullat e shqipes së lashtë dhe të shqipes së sotme? A nuk
është diçka madhështore të shohësh një kalë që fluturon dhe
t’i thuash vetes PE-GAS?
Në Athinë, në verën e vitit 2006 (nuk ka datë të caktuar, çka
e afron me legjendat), doli në qarkullim një revistë, lindi “një
fëmijë”, mbarsur nga muza poetike, doli në qarkullim një revistë.
333