Njerëz që i dua - Gazeta Kritika

në të gjitha rastet me komandantin e operacionit, burrin tim
inxhinier pyjesh.
Pra, unë, Mimoza P. Kam qenë inxhiniere, madje me
përvojë gati një çerek shekullore.
Isha, por edhe jam. Tani jam inxhiniere pastrimi, pastroj
shtëpira. Një e kam në Kifisia, në Kefalari. Një gjysmë ore me
tren e njëzetepesë minuta në këmbë. Ndonjëherë, kur jam vonë,
marr edhe taksi. E paguaj vetë se sa për zonjën e shtëpisë mos
e thoni atë fjalë. Nuk i del leku nga grushti që e mban të
shtrënguar, sikur do të më bjerë turinjve.
Punën tjetër e kam në Melisia. Deri në Kifisia i hyp trenit,
kurse nga Kifisia hyp në një autobus të vogël që kërcen si
karkalec edhe në asfalte tepsi të rrafshët. Rruga në total, me
gjithë pritjet në stacione treni e autobuzi e kalon një orë e gjysmë
në vajtje e po kaq në kthim. Tre orë në ditë vetëm rruga: hip në
tren e zbrit prej treni, hip më autobus e zbrit nga autobusi.
Bereqavers punën e dytë e kam shumë afër stacionit të autobusit,
bile, kur është vakti për t’u kthyer e mas lëvizjen e tij nga
ballkoni i vilës. Bereqavers që edhe zonja ma ka lënë çelsin e
shtëpisë dhe nuk e sheh orën e ardhjes dhe të ikjes siç e sheh
kefalarja.
Punën e tretë e kam në Agio Parashqevi, atje ku dikur
arvanitasit vendas i kanë pasë thirrë “Lopëz”, sepse thonë se
ishin vende të bukura për kullotë e tashti i thonë Glika Nera.
Larg është; tren deri në Manastiraq, metro deri te Ministria e
Mbrojtjes apo Etniki Amina, siç i thonë me letra, autobus deri
në Glika Nera, pesëmbëdhjetë minuta në këmbë deri tek vila...
Punën e katërt e kam afër, njëzet minuta me dy autobusa.
Sigurisht, kur nuk ka lëvizje të madhe. Edhe atje i kam çelësat
e shtëpisë. Zonja e shtëpisë është pak si abdalle, nuk arrin ta
shohë dot cilësinë, sepse sapo iki unë gjithçka bëhet rrëmujë
nga dy qenë e dy mace që ndjekin njëri-tjetrin e nuk pyesin se
mua më ranë krahët për ta pastruar shtëpinë e vënë gjërat në
vend. Zonja i do shumë qentë sa në një shtëpi që ka diku andej
nga kanxha ka bërë një stan të tërë qensh dhe ëndërr ka që në
52