Njerëz që i dua - Gazeta Kritika

Hysenaj,Vojsava Hysa, Vasilika Sakaj, Emro Çela, Kamber
Dajko, Servet Selimi, Lelo Qori dhe Hajredin Çela, grup i cili
drejtohej nga poeti, rapsodi e organizatori i talentuar i këngës
labe Kastriot Lekdushi dhe në skenë dolën burra, djem, vajza
dhe fëmijë (veçanërisht ata të minoritetit grek në Gjirokastër)
dhe e hodhën vallen “burrërishte” ndjeva në shpirt se si
gurgullon uji nga burimi e si merr rrugë vallja nga mali i
krijimtarisë popullore.
DINJITETI I NJË GRUPI KËNGËSH NGA KURBETI
Kur më në fund përfunduan duartrokitjet dhe brohoritjet
për grupin lab dhe në veçanti për dy motrat Sakaj që ditën ta
presin ison e t’i japin rrugë këngës, veçanërisht asaj që lidhej
me bisedën e Valbonës emigrante dhe të nënës së saj të
përvëluar, zgjatëm mikrofonin dhe morëm disa mendime nga
drejtues dhe organizues të këtij evenimenti të madh.
Fatos Tushe, nënkryetar i Bashkisë Lushnje:
“Përfaqësimi i grupit tuaj, i emigrantëve shqiptarë që
punojnë e jetojnë në Greqi ishte një mrekulli dhe la mbresa
tepër të veçanta në këtë festival tipologjik të valles popullore”.
Flamur Shehu, drejtor i përgjithshëm në Ministrinë e
Turizmit, Kulturës, Rinisë dhe Sporteve, kompozitor i njohur:
“Është një eveniment me rëndësi edhe për qytetin e
Lushnjës por edhe për Shqipërinë në veçanti se vijnë atdhetarët
e famshëm që kanë shkuar në Athinë, të cilët kultivojnë edhe
në ditë të vështira të tyre artin shqiptar, folkun shqiptar dhe
këngët e bukura polifonike shqiptare. Ju uroj me gjithë mend
nga zemra dhe besoj se mund ta zgjerojmë edhe më tepër këtë
aktivitet në vitet në vazhdim. Nga Ministria e Turizmit do të
keni mbështetjen totale sipas mundësive që kemi, si dhe
nëpërmjet ambasadës sonë në Greqi”.
Kastriot Lekdushi, rapsod dhe drejtues artistik i grupit lab:
“Ishte një kënaqësi e veçantë. E vërteta është se ne kemi
një detyrim që ia kemi vënë vetes sonë, të vërtetën se kënga
322