Njerëz që i dua - Gazeta Kritika

jepen në gjuhën greke.
Emërtimet mjekësore në greqisht ndryshojnë shumë nga
emërtimet në latinisht që përdoren në mjekësinë shqiptare.
Për shqiptarët është pak e vështirë t’i japin provimet në
gjuhën greke, sepse këtu përdoret vetëm terminologjia greke,
nuk përdoret latinishtja fare. Ndërkohë që ne, si gjuhë
mjekësore kemi gjuhën latine, por kemi edhe terma të greqishtes
së vjetër. Gjuha mjekësore është e përbërë nga dy degë, gjuha
latine dhe gjuha greke. Është më vështirë të japësh provime në
greqisht sesa t’i japësh në anglisht, frëngjisht etj., sepse pjesa e
terminologjisë greke, e cila nuk futet në mjekësinë e
përgjithshme, nuk futet në gjuhën ndërkombëtare të mjekësisë,
është goxha e madhe.
- Nga jeni?
- Unë vetë jam me origjinë nga Korça, i lindur dhe i rritur
në Tiranë. E quaj veten tiranas, sepse nuk kam ndonjë lidhje
me Korçën.
- Familja juaj?
- Jam i martuar që në vitin 1987. Kam një djalë
pesëmbëdhjetë vjeç, i cili sivjet mbaron vitin e tretë të gjimnazit.
- Nga e ka syrin djali, nga i jati apo…?
- Djali sytë i ka më shumë nga unë. Gruaja ime është
ekonomiste. Djali më shumë ka tendencë për mjekësi,
megjithëse është akoma herët.
- Gruaja punon në profesionin e vet?
- Gruaja nuk punon tamam në profesionin e vet. Punon
në një ndërmarrje private ADIDAS, është llogaritare në firmë.
Në fillim nuk ishte llogaritare, thjesht punonte në arkëtim.
Dalëngadalë, me përvojën e punës, me nivelin universitar të
dijeve, zurin këtë vend.
- Kush janë klientët tuaj në Jatriko Qendro Athinon?
- Klientët e mi janë kryesisht shqiptarë, shqiptarë që banojnë
në Greqi. Një pjesë e madhe janë shqiptarë që vijnë nga
Shqipëria për t’iu nënshtruar këtij lloj operacioni dhe pastaj
kthehen në Shqipëri. Pjesa më e vogël pastaj janë grekë.
237